Most welcome Cheque 13/2015

March 25, 2015, 9:49 am

≫ Next: Aizawl zin thu 14/2015

≪ Previous: Lonesome Star 12/2015

$

0

0

           KA LAWMZIA HI

     Ka tuina zawng a nih vangin lehkha zir ni lo, lehkha chhiar hi nuam ka ti a, ka ngaihtuahna awm ang ang ziah chhuah te hi ka atna pakhat, fing anga ka inngaihna kawng awm chhun a ni a. Kei aia thiam, fing leh fel hian thu sang tel, a nuai bi leh chhiarsen loh an lo ziak tawh a. Thu tha tak tak leh chhawrnahawm tak, kan tu leh fa te tana rohlu, ram tana hmasawnna khawp hiala tha te an lo ziak tawh a. Vanram chahbi atana hman theih tur khawpa tha; Chhandamna kawng te an lo ziak tawh a. Hrehhmun atanga chhanchhuahna thu leh vanram thlenna hial khawpa thu tha te pawh an lo ziak tawh bawk a ni. An la ziak zel ang. Chung zinga tam tak chu a thu chhiar vek theih a ni lo a, a bu chhiar sen lah a ni hek lo.

    Chuti angin mite tluka thu ropui leh hlu ziak ve kher lo mah ila, ka nun nena inzawm hi chu ziaka dahthatna pakhatah ngaiin ennawn pawh awm lo hian ka ziak ve mai thin a. Ka hmana ka tui ta thut a nih chuan ka ennawn leh thin. Mite fuihna leh zirtirna, tehkhin thu ka hlawkpui em em te leh lehlin ngai thutawi te pawh miten chhiar se ka tih avangin ka ziak ve thin a. Ka chhiar ka chhiar a, tha ka ti hle thin a ni. Mite ngaihdan erawh ka hre lo. Mahni nun phawrh fai kelh a ka awm chang hian ka thawl huai a, ka vei leh ngaimawh ka ziah te hian ka hahdam suai suai thin. Kawngro a su em tih phei chu ka hre law.  Ka nun ka zir a, mite nun ka zir a, ka ka hmuhchhuah leh ka hriat thar fo hi chu mite thlirna lo anga ka thlir thiam chauh hian a ni.

    Naupan lai atanga lehkhapuan pawhthlak hmanga chanchinbu lema chanchinbu lo chhuah ve tawh thin ka ni a. Zirtirtupa Carbonpaper chhia pahnih thum hmanga lehkhabu phek pawh thlak rin a,  column fel tak nena chanchinbu chhuah fiam thin kan ni. Copy nga kutziaka chhuah peih kha chu hahthlak tak a ni. Chu chanchinbu chu mi ten eng angin nge an hlut tih kan hre lo a, mahse keini thianza ho kha chuan kan hlut a ni. Zingah kan sem a, a tuk zingah kan lakhawm leha mi dang inah kan sem leh a. An chhiar emaw chhiar lo emaw nikhat bak hun kan pe lo. Kan hlut em a, theh thang leh dah that atana kawl mai mai kha kan phal lo a ni. Chanchinbu lem kan ti tak na-in Chanchinbu nihphung ka han zir hian Chanchinbu lem a nihna a lo awm chuang reng reng lo tih tun hnu hian ka hrechhuak chauh nia!


    Ka tuina avangin thu ka ziak ve thin a, ka zirna avang chu a ni lo a, ka thiam vang a ni hek lo. Chumi tur chuan ka chhiarzau vang emaw rawn tur lehkhabu ka neih that vang emaw a ni lo. Nuam ka tih em avang a ni. Mite chhiar loh tur atana thup erawh ka phal ngai lo a, khawvel pumpuiin, khawi hmun atang pawha an chhiar theih tur (an chhiar thiam a nih phawt chuan) Internet lamah ka dah thin a. Chumi thangkhawk atang chuan Lehkhabu hial ka lo khawrpum ve tawh nia! A awihawm loh zawk ka ti thin.  Sumdawnna rilru emaw, thang that lak tum vang emaw, inthehlar duh vang emaw chuan ka la ziak chhin ngai lo. Ka tuina tuihal tak tihreh nan ka ziak mai a ni.Siamthat duhna rilru pu chunga ziah phei chu nuam tak a ni a, sawiselna leh elrel, deuhsawhna chungchang erawh ziak chi ka ni lova, ka na ngawih ngawih zel tih ka hre si a.

    Ka peih em avangin mi chhiar tur ngaihven zawng ka ziak ve thin a, thuziak tura sawmna pawh ka hmu ve bawk thin. Ka ropui vang emaw, ka thiam vang emaw erawh a ni lo. Ka thuziak an chhiar a ni tih hriat a, Email, Phone, thuziak leh tawngka ngeia min chhutzui chang hian ka hlim ru veng veng thin a. Thuziak mai chhiar lova min chansak (lemchan) phei chuan ka hlim a, thuhla hmanga min zai/sak chhuahsak phei chuan Pathian hnenah lawmthu ka sawi thin.

    Thuziah man a awm lo a, ziah chhuah hian man a nei lo bawk a. Thuziak chhuah tur pawhin man a neih loh chang a awm a, thuziak chhuahtir man a awm chang pawh a awm. Thuziak tura min sawm changin man a nei a, a changin lawmthu sawina a awm bawk thin. Mahse tun tum chu ka thil ziah ho ve tak mai chu a ziak angin min leisak ve nia!!! All India Radio Lunglei chuan ka lemchan ziah avangin Pawisa Rs 4000/- lai min pe nia. Ka Lehkhabu hralhna man kha chu lehkhabu man a ni a, thil dang man a ni a. Thuziah man a ni si lo a. Ka thlabi hlawhlak hmasak ber ai pawhin ka hlim zawk nia! Chhiar thei lo te tan pawha ngaihthlak a, hmuhtheih tura ka thuziak hlut a nih ve avangin.

---

Aizawl zin thu 14/2015

March 30, 2015, 9:53 pm

≫ Next: Unknown topics 15/2015

≪ Previous: Most welcome Cheque 13/2015

$

0

0

                    THINGTLANG vs KHAWPUI RILRU

    “Vawiin chu luiah ka kal dawn nge ka pem dawn” tih ang maiin khua a enin a hawi vual vual ang a, Sumo Counter a bia ang a, Ticket ala awm sia “Aizawl ka zin thut teh” tih min hrilh lai chuan ka lo ngaihtuah pek a. Kum hmasa lama Pension kan thlah tak kha ka bulah chuan a lo thu a. Ani hi Damdawi dawra hmeichhe zirlai naupang te te te, an hnung lama pawm thut thin. Fiamthu avanga hmeichhe rak hlim ngaihthlak nuam ti chi a ni. A fanu ngei pawh khawdang zirlai hmuhin a hmu nge, a hmel a hmuh theih loh vang zawk a dula pawm chungin a lo chawi kang leuh leuh tawh a ni awm e.


    Pension a chak chhan ber pawh rilrua a thawh dan anga awm tawp kha a ni a. A hahdam thlak ber a ti nghe nghe a ni. Chuti ang avanga Aizawl zin tur pawh a ni reng a. District khat hruaitu nihna a nei a, Table Tennis lamah hian a phusa ber pawl a ni. District aiawh fehchhuahna a awmin a ho lo ngai lo a, a kum piah lama a zahawmna pakhat a ni.

    Nizan lamah tawngtaina a chham tel loh vang nge kan khawdai Tawngtaina hmunah chuan a tawngtai rei phian a. Km 180 chuanga thui kan chuan chhungin thingpui leh chhang bak a ei lo a, a hautak lo hle. Hautak emaw uchuak emawa nun hi a chin than loh thil a ni a. duh pawh a duh lo. Hair Oil pawh a mamawh tam lo khawp mai a, chu erawh a duhdan a ni bik lo.

    Sumo khatin mi hrang hrang kan chuang a, Gwahati kal tur sumdawng pahnih, hausak hmel taka ring cherkhawngna vuah, Pathian thuhril tleirawl pahnih, Zirlai Admission buaipui tur pahnih leh Damlo tlawha zin nen. Pu Zaia ber chu kan ngaichang zel a, a duhzawng a sawi a, kan ngaithla a. Sumdawnna leh dam loh chungchang emaw Pathian thu emaw kan sawi lo. Lehkhazir lam kan sawi lang hek lo. Hla ngaihthlak lamah kan lungrual hek lo. Kawng tluana “Aw a na, a na em mai (Daduhi)“ ngaihthlak ngawt te zawng, A na si lova beng a na hma duh em mai a ti. Inlungrualna pakhat chiah kan nei a. Chu chu Fiamthu hlimawm a ni. Hlimpui ve miah lo Nghawng cher erawh kha chu Doctor chhawnchhaihtir chi nge damlohna a nei tih ka hre lo.

    Chin lem nei lo fiamthu pawh hi a hlimpui reng theih loh a, motor engine ri kara khuavang kal lai  a awm ve thhei tho a lo ni a. Reh satliah ngawt hi khuavang kal lai a ni si lo. Mut chhuakin min zam avang chuan tarmit dum tle chi chu ka vuah a, ‘chhingmit chhing lovin chhing ru teh ang’ ka ti a. Ka mu thei lo, an ka a kal ta riau a nih pek chu. Buaipui zawng a in ang lo mang teh tak e! Driver chuan a ha sen lutuk buaipuiin, lehkhapuan chhia chuan a ha a nawt zauh zauh a, a sen tur a ni lo reng a ni. A front seat-a thu nula pahnih te chuan a sen tur sen lo buaipuiin an hmui an hnawih sen mawlh mawlh a. Ka hnung lama thu te ka leh ha sen lo lutuk leh ngaihthah lutuk erawh buaipui lo mah sela a rim chhhuah erawh buaipui ngai a ni, enkawl ve an ngai a ni. Mi dang tan malsawmna an ni lo tlat.

    Aizawl khawchhung kan lut a, kan thu tung tlang at hlawm a, mu hil rawh u tih chi kan ni tawh lo. Thlen thuai thuai kan nghakhlel a ni. Thingtlang atang chuan Aizawl hi a ropui em a. Khamkhuai hi khuai a ni a, Khamhuai hi Thlahrang a ni. Aizawl mi hausa tam tak insa kan hmu a, kham chheng chhia leh rem lo tak takin in an sa a, hlauh nachang hre miah lovin mi dangin an luah a. Pakhat chim avangin a dang a chim lo thei dawn lo tih hriat tak tak pawh ka hmu teuh. Kawngpuiah motor an tlan nguai nguai a. Mo an hruai em ni dawn le tih tur a ni. Kan khua chu nise Innei an awm ang a, mo hruai an awm a ni ang kan ti ngei ang. A nih loh pawhin Champion lawm leh a hmuaktu te an ni ngei ang. Mahse kan khuaah chuan a ri thei an hmet ri a, an au ruai ruai a, a tawpah an zai zel thin kha a ni si a. Kawngpui lah chu a han tam khawp a. Kan khuaa kawngpui pakhat paltlangtu bela in sa thin kha kan ni a. An ni chu an insak behchhanin kawngpui an lo nei zel a ni ang. Sorkar siam sak vek a nih ka ring.

    Hei hi Aizawl a ni. Mizorama chhal an la awm ta cheu bawk. Zin tam loh vang ni lovin khawdang zawng zawng aia mihring an tam vang ni hmiang ka ti. India hi thingtlang siam a ni a, Thingtlang a boral chuan India a boral ang tiin Mahatma Gandhi khan a lo sawi tawh a. Thingtlang ngaihsak loh an nih chuan Mizoram hi ngaihsak loh ang an ni ang tih ve ka chak a. Thingtlang mite hi khawpuiah tho an lo awm khawm avangin tunge khawpui mi chu le? Khawpuia an pemluh zel avangin thingtlang hi ngaihsak loh tur em ni dawn?

    National Informatics Centre, Secretariat-ah  Computer Training kan nei mek a ni. An thusawi khi ka hriathnu, ka thiam hnu vek a ni. Ka computer-ah eng nge an khawih tih an hmu thei chuang lo a. An Internet te chu ka han browse chhin a, chak pep pep tak a ni, kan khua ngaihtuah chuan. Internet a chak bawka thingtlangpa Aizawl kal hian ka blog ka han update mai mai a nih hi.. Mite pawh Aizawl vawi tam an kal a, a tam zawk phei chu kal hah ngai lovin an cheng sa reng a nia, eng nge kan khua-ah Broadband a muan em vei ni! Hnaisai lo hian. Ka update khan em mai.Da blues Happy Birthday 18th ANNIVERSARY : 27/03/2015

Unknown topics 15/2015

March 30, 2015, 9:58 pm

≫ Next: 2 Sides of the Same Coin 16/2015

≪ Previous: Aizawl zin thu 14/2015

$

0

0

                Thinlung Zero ;Pathian hruai theih

Bible :    Sam 37:4-5    LALPA chungah chuan lawm bawk rawh; Tichuan i thinung duhzawngte chu a pe ang che. I awm dan tûr chu LALPA chungah nghat la; Amah chu ring la, aman a ti vek ang.
Sam 119:105    I thu hi ka ke atânte hian khawnvar a ni a, Ka kawng atân eng a ni.

    Mihring hi hlauhawm tak leh mak tak, chak tak danglam taka siam kan nih thu Sam-ah kan hmu a. A ni reng lah tak a, Pathian thilsiam te zinga kan danglam leh ropui bikzia te ka ngaihtuah thin a.  A thilsiam min tlawh, min kan thin ngawt vangin kan danglam bik tihna a ni lo. Nunna kan nei a, thilsiam dang te pawhin an nei a. Thlarau kan nei a, A hnena kal ve tur ngawt hi kan danglamna a ni lo. Sual tirhkohte pawhin thlarau an nei a. A kut ngeia siam a, nunna thaw kan thaw lut ngawt hi kan danglamna a ni mai lo. Ama anpuia siam kan nih hi a danglamna a ni a.

    Chumi a anpui tih awmzia leh kan ropuina ber chu ngaihtuah theihna kan nei hi a ni. Chumi hmang chuan Duhthlang tura duan kan lo ni reng a. Pi Hmuaki a nungchunga an phum ngawt te kha an hriat loh vang chu a ni ti raw? A kum telin, a ni telin Hla phuah tha tak tak a piang chhuak a, ni tin darkar tin phuah a nih hi. Kan thiam finna hian vawr tawp chu a nei lo chiang asin. Pathianin chinlem nei lo, vawrtawp nei lo ngaihtuah theihna min pe tlat a ni.

    Chhia leh tha hriat theihna (Consicience) min pe a, chumi hmanga duhthlan theihna zalenna chu min pe hi kan danglam bikna em em  chhan a ni. Pathianin min nawrlui thei lo a, Setana hian min hnehchhuh thei ngawt hek lo. Chuti khawpa ropui kan nih avang chuan “I thu chuan thiam a chantir ang chia, i thu vekin thiam loh a chantir ang che ( Matthaia 12.37 ah kan hmu a)  Duhthlan sual avangin Eden bawhchhiatna a lo awm a, Pathian lakah mihrang kan lo ni ta a ni. Kross-ah kan tan a fapa mal neih chhun a thi a. Chu thu chu ring a, pawma Duhthlanna ngei hmanga kan rin chuan Pathianin min chhandam a ni. Duhthlanna siama ring ve lo chu a chhandam chuang lo. Mahni lam rindan paih bo a, Amah rin hian Pathianin hna a thawk thei chauh a ni. A khawngaihna avangin kan duhthlanna, kan rinna avang chuan chhandam kan lo ni ta a ni.

    Thalai te, Krista ringtute hian duhdan te, tum dan te, beisei dan, ngaihdan te kan lo neih a, Pathian thu ngaichang lova kan mihring thahnemngaihna kan dah hmasak hian kan daisual fo thin a ni. Duhthlanna kan siam mek lai hian Pathian hruai theih tur chuan ZERO-a awm tur, Thinlunga Pathian ngaichang tura kan awm hian min lo thawhsak vek mai thin a lo ni.

    Amah kan rin loh avang hian kan buai a, kan mangang a, kan vui thin. Kan tawngtaia chhanna engmah kan hmu lo a, nghah a ngaih changin kan nghak thei lo a. Kan chhia leh tha hriatna emaw kan duhna leh hlauhthawnna hian min tur ta thin a. Chu chuan harsatna min lo siam ta thin a ni. Amah kan ring a nih chuan engati nge a thu, Bible hmanga min hrilh hi kan awih loh fo le? Chhia leh tha hriatna min pek te hi bible nen ngaihven chunga a nachang hriatna lamah kan hmang dawn lo em ni?

    Pathian hruai theih tura awmin kan thinlung hian duhdan nei ve lo ngam ila, ngaihdan lo nei lawk lo ngam ila, kan awmdan tur zawng zawng te hi Pathianin min hrilhna thin Bible hmanga kan awmdan tur kan ngaihven a, nunkawng kan zawh hi a tul tak meuh meuh a ni. Chhia leh tha hriatna kan hmansual avangin Pathian hian min hruai thei lo a ni mai lo maw?  I awmdan tur chu Lalpa chungah nghat la, nangma ngaihdan leh duhdan ni lovin, Bible min hrilh anga awm tum zelin, Pathian hian min lo hruai zel dawn a lo ni. Kan kawng atana Eng Pathian thu chu zawhin, bible min hrilh anga awm mai hi kan tih tur a ni a. Bible chhiar thiam lo kan awm si lo a.

2 Sides of the Same Coin 16/2015

April 5, 2015, 5:41 am

≫ Next: My daily promise

≪ Previous: Unknown topics 15/2015

$

0

0

                                HMAI HNIH NEI

Into the Semi Final

SMS : Ka mut dawnah chuan ‘When i fall - Anne Murray tih hi min lo chip sak teh tiin thupek aw lam ka dawng a. Eng nge a nih ka hre lo, ngaihtuah pawh ngaihtuah lo chuan ka muhil nghal a. “Gud Mornig, Km 18 ka tlig tw a, egtin jel?” tih SMS hian min tiharh a, ‘Morning, i pasd twh m? Puitlig tw mi..hehe” tih te hian ka reply a. Ka inperh tho nghal dawn emaw ka tih laiin, Facebook lamah ka lut a. Thianpa Raju status lungkuai lo zet “Ka mihring rin em2 in min phatsan maw, mai mai chuan e. Em em a na....” tih ni ta-in ka hria a. “Mi zawng zawng hi rin vek tur a ni a, Rin em em loh tur” tih hmang te a an comment lai chuan “Tumah ring suh, nangmah ngei pawh, chuti ni lo se i hlimthla pawh khan thimah chuan a kalsan lo tur che a nia” tiin khawi atanga ka hriat nge pawh hriat loh hian kan comment ngawt pek a.  SMS a lo thleng nghal a. “Ka gy hle mai ce” tih te mai hi. Gay kan ni lo, mahse thianpa hian min mamawh a ni tih ka hria a, tih theih erawh ka nei lo. Counsel thei tur dinhmunah ka ding lo a, Relationship Counsellor ni tur pawhin hriat ka nei lawi si lo.

Danglam:Ka fate pahnih (Biologically, not) lu met turin Lumehna dawrah ka kalpui a, Good Friday leh Easter Sunday inkar a nih vang emaw ni mi lah chu an lo tam phian a. “When i fall - Canadian Singer; Anne Murray” leh “Rude tih hla Canadian Raggae Band; Magic” hlasak chu ka download a, ka ngaithla nghal a. A va inang lo teh lul em! A in-anna awmchhun chu Canadian rawngkai an ni leh Hmangaihna thu an pau chhuahpui bak a awmin ka hre lo. Country/Pop Song leh Raggae hla danglam dan chu Biakin hla sakah pawh “A saw raltiang tlangah ” tih sak laia khurh tum ang vel a ni. Mahse, Kraws leh khurh chu thil inhmeh tak a ni a, chuti ang chuan ka thiante pahnih thil tawn pawh hi lakhran ngawt theih a ni lo. Damchen zatve dawn hmang tawh mo thar hlim leh ka thianpa; damchen zat ve zat ve vel thiltawn kaihkawp tum chu Tawnzau var, kobah ha chunga lawichal nih tum ang vel a ni. An mizia pawh an danglam, hman hmawh ngai miah lo leh muang nih duh miah lo an ni a, tunah pawh hian muang chu min ti ngawt ang. Hei zawng hi a thuhma chu a ni a, thuhma hlira khat tur angin lo ngai teh, a thla darh dawn lutuk a.

Hawihhawm lohna :Tukin hi Inrinni zing ve tho a ni a, ka khum atanga thochhuak ta nghal mai lo chuan Car pawh nei hlei lo hian, Jet Thlawhna aia chak ngaihtuahna ka neih hmang chuan ka mobile awmna dapin, ka online nghal tih ka sawi tawh khi. Tihdan hlui duh thlip thlep ka nih avangin fel takin duhsakna ka hlan let a. 

Saturday morning jumped out of bed

And put on my best suit

Got in my car and raced like a jet

All the way to you

Knocked on your door with heart in my hand

To ask you a question

'Cause I know that you're an old-fashioned man, yeah

tiin, Hmangaihte neih theih nana siar sang sawm sarih lak pawh huam an awm a, chu aia tam huam pawh chu an la awm leh ta zel nia! Chuti ang pawh huam chuan Putar tawhkhirh dil mai mai chu thil hupphurhawm a ni lo. A harsa ber hmangaihna chhanletin a awm tawh tlat a. Kan khawvel nunphung zawmin palai te kan la rawntir ve ang a. Chu hunah chuan harsatna a awm lo a nih chuan ‘Tiam tlat e’ tiin kan la tiam ve ang chu tiin kan suangtuah thin a. Harsatna pawh lo awm mahsela kan inhmangaih phawt chuan tiin hmangaihna kawngin tawpchin a nei ngai lo kan ti fo. Artalh dan chi hnih thum pawh kan hre thin a nih kha. ‘I kalna apiangah ka kal zel ang a, i hnam chu ka hnam an ni ang a, i chi te chu ka chi te an ni ang’ tih thu te kha Bible lo riauva kan ngaih phahna a ni lawm ni? Chuti lo zawng pawh chuan ka chi te chu i chite an nih chuan tu leh fa enkawl bak hmabak tur kan nei dawn si lo. Chu chu a ni lawmni fanau maltluan chawi Malsawmna kha tiin kan hlim thin.

Can I have your daughter for the rest of my life?

Say yes, say yes 'cause I need to know

You say I'll never get your blessing 'til the day I die

Tough luck, my friend, 'cause the answer's still 'No"

Harsatna hi fiahna:  Harsatna chu a lo thleng ta ngei a. Hmangaihna chuan ngam loh a nei lo a, hneh theih loh a nei lo a, rem loh pawh a nei lo ti raw? Lei do a nei thei lo a, chapona ten hmun an chang ngai lo. Duhthlang turin hun a mamawh lo a, thinlunga a thlan fel tawh thin avangin. Hmangaihte laka kan vui theih viau lai hian, vui thei lo hmangaihna tluan tling a awm lawi si lo. Hmangaihte erawh an inrem phawt chuan daltu an awm thei lo a, taksa hi dal thin mahse rilru leh thlarau hi tuma dal theih a ni lo.

I hate to do this, you leave no choice

Can't live without her

Love me or hate me we will be boys

Standing at that altar Or we will run away

To another galaxy, you know

You know she's in love with me

She will go anywhere I go

Khuarei a rei: Hmangaihna erawh chuan tihtheih miah loh leh, inrem theih miah loh a nei a. Chu chu Phatsanna leh rinawm lohna a ni. Hmangaihna chuan thih thlenga rinawm turin a beisei a, thih pawh lo ngai hial dawn mah sela thih thlenga rinawm turin a chah lawm lawm thin. Chu chu hmangaihna lantirna leh a famkina pawh a ni a. Chuvangin ‘Rinawmna chu thih thlengin a famkim tur a ni’ Hmangaihna thinlung hliam tawh hi chu a hliamtu vekin a tihdam loh hi chuan a damna a awm lo a. Khuareiah a zia tih erawh a ni thin. Khuarei hi a thleng har thin khawp mai. A thleng dawn tawh lo emaw kan tih lai hian a thleng daih tawh zawk thin thung. A  thlen chang pawhin lanchhuah hun a nei leh thin a.  A lanchhuah hun apiangah ziak loh thawnthu ngaihnawm tak erawh a piang nawn a. A tawpna erawh chu a ngai fo thin. 

Hmangaihna a thlengrual thei lo:Hmangaihna hi chi li kan nei a, eng anga hlu nge tih sawi ka tum lo. Pathian hmangaihna leh mihring hmangaihna (Eros & Agape) erawh a fiah nan kan sawikawp mai a ni. Tawpchin nei lova min hmangaihtu Lal Isua, Pathian Hmangaihna meuh pawh hian tawpchin a nei a. Rorelna ni-ah tehfung hmanga relsak kan ni dawn. Tih tak emah chuan, Pathian hmangaihna pawh hian a ruala hmangaihna semzai chu a duh lo asin. Phatsanna-ah a ngai a, rinawm lohna-ah chhiar telin a awm lo em ni? Pathian hmangaih hle chungin Ramhuai no a dawm kawp theih lova, a rualin mi chi hnih a hmangaih theih loh tlat alawm. Mihring hmangaihna pawh hi a rualin, hun inangah hmangaihna khat a awm thei dawn em ni? A awm thei a nih pawhin a dazat ve ta ngawt ang. A awm thei a nih pawhin chiang lo chu a awm ka ring tho.

Hmai hnih nei :Hmangaihna avanga hliam tuartu chuan hmangaihna hi engmah lova ngaiin hmangaihna lo chuan a tlei zo thin lo. Mihring hmai pahnih nei chu piangsual a ni a. Mite hmuha hmai pahnih nei ang a lantirtu chuan a hmai a hloh ti ve ngawt ila Bible thu ang em chuan a rintlak loh ang. Phatsanna chuan hmai hnih a lo nei zawk a, rinawm lohna chuan rin zawh loh avangin rin zawk a nei thin. A chhan chu eng pawh ni rawh se. Hmangaihna hian hun khatah hmai hnih a nei ngai lova, a nei a nih chuan mihring a tling lo a ni. Mihringa a la inchhiar ve tho a nih pawhin mi ten an chhiar thei lo ang. A chhiar theitu chuan a tam lam apiang dikah a ngai ang a, tawhsual tawkin a la tlu ve ang. Tawhsual tawka tlu erawh mi tupawhin an hmangaih thei a, a inhmangaihna a dal lem lo. Chuti chung pawha hmangaihtu an awm a nih chuan he hla bak hi sak tur an nei dawn chuang em ni?

It's hard for me to understand how you could ever love me

Sometimes I don't like myself at all

I don't see how I'm worthy of you thinking so much of me

But you're always here to hold me when I fall

You're always here to wipe away my tears

Tluk leh tlak fawm changa dawmtu chuan mittui tla te chu a hru hul ang a, hmangaih tawp lovin a hmangaih ang tih hre mah sela, duhkhawp lohna leh pek let ve tur thinlung a phut tih a hriat tel loh chuan a tluan tling lovang. Hlimna leh lawmna hi chuan rei tak a daih theih loh avangin kan lungngaihna te hian a hliah khuh hma em em thin a. ‘Inhmangaih tawnna erawh chuan a tlin lohna aiin ka tlin lohna ka hmu lian fo a, tihsak leh pek let tur zawngin ui reng ka nei ngai lo’an ti. Thu a tiam ve ngai lova, rinhlelhna a lo thlen erawh chuan a tiam thei reng lawi si. A tiam a nih chuan a hlenchhuak ngei thin a, a hlenchhuak lo a nih erawh chuan damchhungin a inthiam ka ring lo. (Damchhung te hi ka han ti ve ngawt thin lah tak a, ka rindan tih sawi tel loh chuan a theoretical lutuk ang)

Zawlnei puansak reng kan ngai lo:Mihring zingah hmangaihna hi hrilhfiah kilh kelh thei an awm lo a, hrilhfiah turin tumah hi engmah an ni lo a. Mi zawng zawng hriat tlan vek, kan tawn vek a nih avangin hrilhfiah theih a ni lo. Kan tawn dan erawh a inang lo thei a, a sawithiam leh hril thiam thiam a ngaihnawm ta thin a ni. Tawn thiam a awm thei lo thung a, hrilhfiah thiam erawh an awm thei thung. Zawlnei emaw mi ropui emaw, thawnthu ziak thiam leh hla phuah thiam sawifiah sak kan ngai lo a. An sawifiahna thenkhat kan nun nena a lo inmil erawh chuan kan fiah kuar kuar a, kan duh ta em em thin a ni.

Thinlung lama fiah chi a ni:Hmangaihna kawngah chuan Chak lohna hliah khuhin a awm thin a, thiamna nei lo tan pawh hriatthiamna a awm a. Inhriatthiam lohna a thlen changin hriatthiamna hmun kawng zawn dun a ni thin a. Inpumpekna nun kan hmuh hian rinna a lo piang a, tih ve theih kan neih loh erawh chuan inthlahrunna a awm a, chu chuan ngaihsakna min siam ta thin a, nimahsela peklet theih tlemzia hrerengin tawpchin nei lova hlimna thleng tura ngaihna a awm ta thin a ni. Engtinnge min hmangaih theih a, engvangin nge , ka phu reng em ni? Heti maia min hmangaih hi mak ka ti thin tiin ka tluk leh tlak changa min dawm lehzel thin te hian ka ngaihtuahna a ti buai thin a ni.

(Raju & Dari : A thui ta hle mai, a chhiar pawh va chhiar nek suh u, thildang kan khawih lawk ang e. Mood loh lai chuan a hahthlak maw, pawi looooooooooooooooo)

My daily promise

March 30, 2015, 9:53 pm

≫ Next: All dads : Probs of Society

≪ Previous: 2 Sides of the Same Coin 16/2015

$

0

0

Uploaded at Facebook on 17 March 2013·

DAR BI A DANG TAWH

Ka zing zin tur meuh chu, tui lai ka rap.
Varṭianah laikhum thlehnem ka bel a,
Chhun mu lo, zan mu lovin, hun bi ka chhiar.
Chunnun nemin a ze ngai a chhuah leh ta!!

“Mu tawh rawh khua I tlai ang e” tiin
A rin; thatchhe thu a chham chhuak leh ta.
‘A laikhumah a her vel ruai ruai a’
I samdal nun chu thleh nem belh tum lo.

Pachhiat loh nan mu thlu suh an ti ngai.
Nang zawng mut zai rel lo, thawhzai rel lo
Ka nu kan dar bi a dang tawh ngai

Mu tawh rawh, tho tawh rawh, ei rawh tih hi,
Hman an hril fo Mut dan rangkachak chu
Hma taka mut a, zing taka thawh hi.

All dads : Probs of Society

April 23, 2015, 2:04 am

≫ Next: BYFI Conference 2015

≪ Previous: My daily promise

$

0

0

Siam dan pawh dang, nihphung pawh dang

    KHAWTLANG HARSATNA

Ka hua che :
    Mipa chu mipa a ni a, a bak zawng chu hmeichhia an ni. Tlangval ka ni a, nang chu nupui nei tawh pa i ni. Thil nihphung hi i hriatthiam loh avangin  thil nihphung i hre fuh thei ta lo a nih hi. Pa dinhmun ka la hriatthiam loh avangin i khawsakzia hi ka hrethiam thei lo. Hriatchian che ka chak a ni. Min kaihhruaitu pa te hian min kaihhruai tha tawk lo tehreng emaw ni heti teh nuaia kan ram hi a awm ka ti thin. Nute pawimawhna tam tak an sawi a, an pawimawh em em tih chu khawvel hriat a ni a, an la pawimawh zel bawk ang. D.L Moody-an “Ka nu ang hi nu zawng zawng ni sela chuan Tanin awm a ngai lo vang” tiin hmeichhe pawimawhna a sawi a. Napoleon-a meuh pawhin “France ramin a mamawh ber chu Nu tha a ni” a ti a. A dik e. A letling chiah kan ni tawh a, “Kan Zoram mamawh ber chu pa tha ka ti ngam ngat”  kan rama nu te hi chu an tha tawh lutuk si a. Nu, hmeichhia chuti khawpa pawimawh te enkawltu chu an pasal te an ni, Bible min hrilh dan pawh a ni. Hmeichhe lu chu mipa a ni si a. Mipa lu pawh Krista a ni a, mipa zingah hian Krista lu-a neih an tlem hle ang.

    Ram ka thlir a, khawtlangah ka vak ruai ruai a, ka khawhmuh chinah pawh hian kohhran leh khawtlang kalphung duhkhawp lohna a lian ta hle mai. Sualna hrang hrang kan ramah a langsar tual tual a. Chu sualna chi hrang hrang chu a awmzia hriat a, engtia do a, a lo invendan sawi ka tum lo. A pawimawh hmasa zawk, sualna hluar chhan bul ber zinga pakhat, chhungkaw kehchhia (Broken family) chungchang a ni. Setana hian- eng hmanrua nge a hman a, engtiangin nge min phihawh tak tih hi pa ho huangah kan tarlang teh ang. Khawi zirbingna-ah mah hmu lo mah ila a tam zawk hi chu pa ho vang vek a ni tih ka chiang a, ka eizawnna leh ngaihven zawng a nih avang pawhin huaitakin ka sawi ngam bawk.

I muang lutuk :
    Kum lamah chuan chhungkuaa upa zawk leh tawnhriat ngah zawk i ni ang. Kum lama upa nih avang emaw mipa nih vang emaw muang cherh chawrha thusawi ngawt hi patling nihna a ni lo. Hnathawhna leh mi hmin kawngah muang mar tak emaw, chet vel kawnga muang nih hi a tha ngai lo. Muang tih chuan Tlai tih lam hi a kawk zel nia. Chhungkawpa berin nunphung, nupui fanau mize inthlak leh hawiher in chik lo a, in hriatchhuah chuan in tlai vek tawh zel. Nupui ten fate mizia leh an thil chin tha lo thup theih khawpa an daikhalh thin che avangin ‘a tlai hman zel a ni’ ti raw? Nupui beidawnna leh beiseina, nunphung inthlakthleng hriatthiam loh avanga uire hi engzat tak awm ang maw? Chanchin thar leh thuthang, chhungkaw boruak ngaihven kawngah te hian i tuan a muang lu deuh a ni. Tu pa hian nge fate ngaihzawng leh fate sawnpai thu hre hmasa zawk thin che u? Chhungkua in ngaihsak lo a ni.

    Tawng tlem nih ngawt hi a tha ber lova, a tul chauh sawi hi a tha ber hek lo. Chhungkua kawm nel turin tarkun nih hun i nghah chuan i tlai tawh ang. Thalai te ze milin hunbi chiar la, an ngaihthlak peih zawng zawngin tawngkam hmang ta che. Hrereng si hian an beng rawngah an khung theih tak loh hi. Technology leh a behbawm hi phak ang tawkin zir la, fate dai khalh nih chu a pawi lutuk lo a, nupui te daikhalh nih erawh a pawi thui thei hle a ni. Hrethiam tawk turin zir la, venpui rawh u. A tlai hma hian an thlenchin tal chu hre ta che.

I tluk lo:
    Tlukpui sawi dawn chuan pahnih sawi a ngai. Eng ang pawhin sawt chiam mah ila nu ho (hmeichhia) i tluk chuang lova, huat enah an en pawh ka ring lo. An hming pawh hmeichhia a ni a, hmingdangin thlak pawh tum se hmeichhia an ni tho, Minu tih thlak tumna barah i khawn duh lo pawh hi ka chhuang che, a te tham em a ni. Pathianin a siam dan pawh a hrang; mipa nakruh atanga siam kha an ni si a. Pathian pawh hian chuti teh ualin a dahsang lo a ni ang. Exodus 20.17 leh Deuteronomy 5.21 ah chuan “I vengte thawmhnaw awt suh” tih a ni a. Heta thawmhnaw tih hian an nupuite a huap a. An bungraw dang, chhiahhlawh, bawng leh sabengtung zingah chhiar tel an ni  Ecclessiasticus 42.13-14 (Apocrypha) ah chuan Mipa sualna cu hmeichhe thatna aiin a hlu zawk” a ti mauh mai (Mipa leh hmeichhia Rev.Zokima page 90)

    Twashthri pathian hian hmeichhia a siam dawn a, a hmanraw tha ber ber hmang zo vekin, mipa a lo siam tawh si a. A awm chhun thil chi hrang hranga hmang lawr ta chiam a, pangpar mawina te, ni zung mawina te, rul vervekna te, sazupui titna te, arawn belhchian dawn lohna te, vaki hmul nemna te, lung sakna te, khawizu thlumna te, sakei kawlhna te, mei satna te, vur vawhna te, hmawlh kawihna te, hnim nghin/sawina te etc chawhpawlhin a siam a. Chu pathian chuan mipa hnenah a pe a, lawm takin hapta khat chhung chu a kawl a, a hlimpui thei hle. Hapta a ral a, aang hlimna aiin a buaina a thlen tam ta zawk a. A mangang chuan pathian hnenah a pe kir leh a, mahse a tel lovin a awm thei lawi si lova, hlimna leh harsatna karah an chengdun leh ta a ni. (Mipa leh hmeichhia Rev.Zokima page 92)

    Hriatthiam an har a ni, hriat thiam loh theih loh an ni lawi si. Inchhungkhurhah an awm lo hlek a, i hawi ruai ruai a, i thu nghet hlei tho lo chu a nih hi. An awn lam lam hi khawtlang sukthlek chu a ni ta. Thawmhnaw dawrah hmeichhe thawmhnaw a tam a, a leitu tam zawk an ni. Tharum hmanga i chinfel ngai kha a tihtauh vawikhat avangin a ni chuan a chingfel thei asin. Bianga thlantui far zawih zawih khawpa hnathawkin chhungkua i chawm a, inchhungkhur chet hautakzia a lo hrilh hrep che a, i cho loh en lawi si. I thawhchhuah hmangin duh duh a lei  a, nangnin i lei ve ngam lawi si lo. I thil eichak miah loh kha a eichak avangin tui takin a eitir thei che asin. Mi ropui taka siam an ni a, tluk chi an ni lo. In inchhai lai atang reng khan a duhzawng tihhhlawhtlinna turin eng hmanrua nge  a hman a, a tlawm leh paukhauh dan kha tun thlengin ila hrethiam lo hian ka ring thin. Sam ziaktu pawhin Tlangvalin nula a rim, panna kawng hi chu a hrefiah tawk thei lo a nih kha.

I tunlai lo :
    Pathian siam hmasak zawk i nih vang tehreng emaw ni ‘I thring a, i hlui ru riau mai’ ka ti. A thar a awm vanga thing erawh i ni kher lo a nia. Hmeichhe fing chuan a khawlkhawm thin tih hi ziah belh ngai ta se, a duh angin a hmang ral bawk thin tiin ka chhunzawm ang. I kekawr neih let vel hi Puanbih tur a nei zel thei a, engtiklai mahin thawmhnaw neiah a inngai lawi si lo. Chhiat that, puipun leh biakin-ah hian tunge rimtui a, thianghlim zawk thin? Sam ro rip repa i lokal hian hmeichhe rim leh incheina te hi chik ve ta la, i balh vang ni miah lo hian i fai lo tih i hre thei ang. Mipa hip turin mawi leh nalh thei ang berin a inchei a, rimtui leh hnawih chi tin, sam leh ha, ka chhung leh kumkar zawng zawng nena a inbuatsaih thin ang hian nang ve chu i inbuatsaih ngai ta lo. Nupui hmu chuan thil tha a hmu a ni (Thufingte 28.22) tih-ah hian i duhtawk mai em ni? Thil tha i hmu a, i duh tawk ngawt a, mipa, mi tlangval ten an lo hmu ve tho a, an duh ve tho avangin uire a awlsam a, sualna khurpuia luluh a awlsam a sin. Chuti ang chuan awm chiah hrih lo mahse chhungkua leh fate a enkawl kawngah a inthlahdah thei asin. Thil tha enkawl tur chuan in inbuatsaih reng a ngai si a.

I chut lutuk :
    Lehkhathiam leh zirsang zawk pawh i ni thei e. Khati chung pawh khan a awp hneh hle che a ni lawm ni? A vawikhat thawh fuh loh hrethiam tawk tur chauhin thil nihphung i hria a, i lehkhazir laiah a tel lo tlat a ni ti raw. Pathian thilpek ropui ber zinga mi ngaihtuah theihna hi an hmang thiam a, i zeizia a hre hnehsawh hle  a ni. I zirsanna leh lehkhathiamna hian choka a thlenpui a ngai a, chhawm nung zel tur chuan mahni inzir peih a ngai alawm. Chuti a nih loh chuan khumlaizawl leh choka thiltihtheihna hmangin a thunun bet tlat ang che a, a awp tlat ang che. Mi ina mo tur leh engkim thiam tura chher hriam a ni a, nang chu i ni lo. Tun dinhmunah chuan intluktlanna auchhuahpui zawk tur chu mipa in ni tawh zawk. Ava lungchhiatthlak em!!  Tuna kan ram dinhmun hi en teh, Office zawng zawngah hmeichhia an tam zawk tih theih a ni a, zirna-inah a tam leh thiam thei zawk an ni zel a. Bazar leh satalhna, Biakin thleng hian a tam zawk an ni tlat asin.

    Hmeichhia/nu ho pawl nge Pa ho pawl te sumthawhchhuah te tam zawk tih thlir hi chuan mang a ang a ni. Inkhawm peih leh mi ningkhawng hria an ni zawk a. Kohhranah hian sulhnu an ngah zawk ti pawhin sawi ila a dik awm e. Chutih mek lai chuan an phak ang tawka ngaihtuahna an sen te, an rorel leh tihhhlawhtlin kawngah nasa takin an bei a. Pa ho te hian an rorel in nuihzat fo thin ti ru? Mahse, a hlawhtlin theih nan nasa takin an bei a ni.

I hawizim, hawizau rawh :
    I chhungkua ngawt enin in la Champ reng reng suh. Mi chhungkua en la, an thuruk zir rawh. Khawtlang, kohhran leh pawl kaldan thlir chungin chhungkaw hlawhtling leh an chetzia, fate enkawl dan bih ngun rawh. Mi pate en a, el mai lovin mi chhungkaw-nu thahnemngaihna el zawk la. An incheina, an khawsak phung leh an ei leh in hriat tum ang che. An zahawmna thuruk hlei hlei hmuhchhuah tum rawh. Zir sangin, i hriatna hi zau hle mah se nunphung leh chhungkaw sekrek i hre tlem a, thawkchhuak tam mah la in hmanral dan kipkawi i hre si lo.
   
    Tapchhak zawl ngaihdan leh tlangkam ti ti hmangin i chhungkhus-ah rorel i tum ve ngawt a, Pathian thu leh i hriatna famkim nena kaihhruai i tum si lo hi sualna punlun chhan a ni. I hawi vual vual a, i fate sualna i hmu si lo. Thup theih turin i nupui khan a hliah zel alawm.

I thaibawih :
    Tharum hmingchhala hnehna hi hnehna tluan tling a ni ngai lo a. Kristian ramah chuan nunnem tak leh zaidawh taka hma la thiam apiangin mi an hneh awlsam thin an ti. Hitler-a hrawvang na tak ai chuan Dalai Lama chu tha zawk tura ngaih theih a ni. Mahatma Gandhi meuh pawh khan tharum duh lohna changchawiin hma la thin mahsela, thihna hial thlengin tharum hmangtu chu an awm tho asin.

    Mipa ngaihdan siam hunah pawh thiannu te, hmeichhe thurawn lak a nih hian thaibawihzia a lo lang thin. Mipa nih avanga thil zawng zawng hriat thu va awm bik suh. Hmeichhia pawhin an hre vek bik lo a, hre lo ve ve; hmu lawk lo ve ve a nih chuan mipa duhdan chu a lal mai tur a ni. A fuh ta chiah lo a nih pawhin hmeichhe sawisel hlauh vanga ngaihdan siam ngam lo tlat hi a mak ka ti. I nula rim atang rengin i dawihzep sa hian ka ring thin, tuna i chet dan ka en hian. Nupui tur hmuh loh hlauva hmuh chhun nei vat nge i nih a, hmangaihna changchawia nupui nei? A eng vanga pawh chu lo ni se la, nupui chu i nei ngei alawm, i nupui pawh tharumin i ngam ngei e. Hlauh pawh i nei lo tih ka hria a mahse, a lungawi lo emaw, a ang thawm leh a demna tur che i ngaithla ngam lo a ni ti raw?

I thatchhia:
    A tihtauh leh a lungawi loh chhung pawha fanau enkawl leh a tul anga sekrek khawih pawh i peih miau loh chuan tlawn huam huam tur chu i ni. A hnathawh leh a thawh loh  zawng zawng te pawh hre turin chik peih hek lo che. I inchhungkhur kha a sawi tam avang maiin in thatchhe thar ta thut a ni lo. I thawhloh kha a sawi peih mai zawk a ni. I nupui te, fanau te awmphung danglam leh sukthlek danglam dan te kha zir la, a lungawina leh a lungawi loh dan te kha chik la, chumi atang chuan enkawl rawh. Uire leh nupa nun inthlakthleng hriat loh chuan suala tluk a hnai si a. Chu chuan humsual dai tur a veng thei ang a, chhungkaw kehchhia a tlem phah dawn a ni.

I ching hma lutuk :
    I thawhchhuah tlemzia changchawi emaw, khawsak nuam sa zawk beiseina avangin emaw, fa i nei tlem ti raw? Khawvel changkanna leh mite sawi ang te zir chiang hmasa lovin i awih nghal ngawt zel a. Fa neih tlem kha nawmsakna turah i ngai tlat alawm. Fa neih tlem kha enkawl hnehna emaw, chawm hnehna emaw i ti a nih chuan i hresual ang. Chhungkaw tlem hi changkanna emaw ti tlat te, fa neih tlem avanga enkawl hneh tura inngai tlat te tan chuan; Fa neih tlem poh leh enkawl hneh lo ting thin a ni duh khawp mai. No nghual mai, pangchang em em nu leh pa tih tura engkim nghat an ni duh khawp mai. Chithlah pung turin min siam a, chithlah pung tih chu piantir ngawt a ni lo a, enkawla chawm seilen kha a tel avangin a ngamawm loh a ni mai thei. A tirah chuan hahthlakin, buai viau mah la, chhungkaw hung hlutna chu tunah buaiin rethei hrih mah la nakinah nawmsakna leh hahchawlhna tha a ni dawn tlat asin. Chung zawng zawng chu i hre vek pawh a ni thei, mahse i hmin thei si lo a ni ti raw?


    Kan rama sualna hrang hrang, harsatna hrang hrang kara tang mek te hi kawmchiang ila nu leh pa inthen emaw, chhungkaw kehchhia emaw, chenna mumal nei lo atanga seilian tam zawk an ni zel a. Chumi avang chuan chhungkaw himna, damna tur chuan mipa, chungnung zawka Pathian siam hian mawh kan phur a ni. Kan hnamzia; khawtlanga Pa enkawl chhungkua hi nakinah chua Nu enkawl chhungkua a nih hunah chuan Kristianna hian min kaihhruai tlem ang a, sualah kan pil thuk tial tial thei ang.

(September 29, 2015 a chhuah tur Spuvenir pakhatah min lo sawm ve a, chuta mi tur chu a nih avangin ka han dah lailawk a, thiante bih let turin)

BYFI Conference 2015

April 24, 2015, 2:26 am

≫ Next: Facebook diaries

≪ Previous: All dads : Probs of Society

$

0

0

I AM ONE OF THE DELEGATES

Being a baptist youth leaders in the local area, I am one of the delegates at the Baptist Youth Fellowship India, National Baptist Conference 2015 at Serkawn. Representing on behalf of our local pastorate i.e Zobawk North; Mizoram TKP.  The venue is located here near our hospital, Serkawn.

Taking advantages of this opportunity, i am attending some sessions in which i would like to share the blessings is that. God not so called the qualified But qualified his call. You should put all your prestige, privileges, degrees, everything or other human worth's like under wear. Then you can know the call. If you are not called by God don't be act like leaders.

Facebook diaries

April 26, 2015, 11:06 pm

≫ Next: Attention Photographer!

≪ Previous: BYFI Conference 2015

$

0

0

#  K'u Dara'n " x te hmuh hi chuan eng emaw hi kan ti a,mi pangngai nihna a ni a; zah loh tur. An x te x leh chhawng kan hmuh a, kan la hnim ruih chuan mi x hi kan lo x chuang bik hle a ni" a ti. "Arithmetic thiam lo tih takah x hlutna hi tun thleng pawh hian ka la hre lo. x lo zawk hlutna hi chhut thiam ava pawimawh em" a ti.. lewl

#  Kohhrana inhmang lo, inkhawm ngai bawk si lo, YMA inhmang bawk si lo, ramhnuai mi ah pawh țang bawk si lo chu an chut duh

#  Kelkang harhna an sawi hi TV, Thuziak, mi sawi hrang hrang hmangin ka lo hre ve a, ka lehkhabu neih KELKANG HARHNA nen hian a ka en mil a, mahse in mil lo.

#  Thiam nei tlem apiang an awlthawng a,
Thiam nei tam apiang an hah thung a,
Thiam tamin thiam tlem erawh an tir a,
Thiam tlem erawh vin an hlawh deuh zel a,

Kei erawh min awl thung a ni
An pi duhtak dam țha lo nen.

#  Ka fate inphut ru tak pahnih te hi,
A pass chhe zawk a lawm zawk a,
A pass țha zawk a lawm lo thung.
He khawvel tak hi chu awww. . . .

#"Zawhna tel lovin a inbiak reng theih em ni?" Inhrilh hriat ngawt hi inbiakna a ni lo a, Chanchin inhrilh loh phei chu a ni lo lehzual, Sawi dun ngawt chu ti ti a ni a. Ti ti chu thutak bengah a hlin theih loh a, ngaihtuahna hruai (kawitu) mai a ni. Chuti ang a lo thlen chang a, lungawi lo an awm chuan a lo vui ta thin a ni. Vuivaina chu beisei a phak loh vang a ni a, Chu chuan a ti tiau a, rilru a lettir thung. Tih awm taka kan hriat, tih awm taka ngaih a nih loh chuan innghirnghona a thleng. Inremna rawngbawl hna a thawh theih ta thin lo a ni" Khawi lehkhabu atang maha ka chhiar phei chu a ni law, ka rilru lang ve mai a ni. Kei misual riangvai ngaihtuahna hi kan pawtfan ve mai mai a ni. Ka lawm e

#  'Ril lo bik nih duh lo' ka thiante ho ka va mamawh tak em!!— feeling indaih lo.

Ø  Zing thawh hmat chu chapo a awl riauvin ka hria, Ngaihtuahna a zalen zual a, tum loh hlir ka ngaihtuah a, tum loh deuh deuh ka update phah..

Ø  Nachhawkna damdawi ei la, i mi tak ve deuh thei ang chu..... ava na em!!

Ø  Sirah min hnawl dawn pawhin kg 65 hi chu a har ve țalh tawh ang le.... lewl

Ø  Ka pa hming pum theihnghilh țhak khawpa kan mutthilh mai mai chu le... hmmm

  #Ka ṭhian, "Lum si lo, vawt bawk si lo, ti pilh pelh hian ilo awm ve ang e aw!" Rik ṭhah tur a nia...

  

 #Ka thin a rim a, ka ui bawk... Rim tak a ni Kum kha leh chen kha Hostelah Dâl leh Alu kan ring a, ka chhang kham em em a.. Tunah lem a tel lo chuan ka ei thei bawk si lo.... LEWL 

v  # Kan khua-ah chuan PHE tuisem emaw tuikhur, tui pump chawi ai chuan Lei mai hi a Kristian zawk..................lewl

 #Vawksa hi chu bai kher lo pawh hian a tui asin le.. Baking powder rim nam rum rum a bai kher hi chu ka vui ve det.... Artui min half boiled a, a ût vek maw le. Ka'n nu hi chu Repair loh pawhin Replaced a ngai ve tawh a ni...lewl  Sunday pual chibai ule......

# Mahni kuang lo nawr kan tum a, Cycle Rickshaw ke pakhat man tal in hre lo em ni? Weekend ah pawh ka thu tak ta hram a nih hi . :P

 # Tukin Kan Zaipawl Conductor kha a JEI lutuk a, a trul lo lo lai thlengin a a vai thiam vel nia... !! lewl

 

#Zanin Lumenna ah hian ka hming chher nan arsa sawhchiarah chi tam tawkin kan ál tir teh ang...Ziaktu nih manah. . . Lewl

#I would lie for you, There's nothing. . . .

Kan ti mai teh ang. DIE te chu Pathian thu a ni si a. . .

 #Ka nu hian FB chu hmang ve se ka POKE zawrh chak , Inah Ka phone ka charge daih a............ 

 Office landline lah a ngawi leh hmuk tawh si a.... — with David Zawma.

 

 # Pathian meuh pawh Hmangaihna avanga a inphah hnuaia, leia alo kal thei anih chuan.. 

#Kei ve teh chai hi bawkkhup chungin chhuat kan nawt ang e... zing thawh hma ai chuan .,. (vawiin atana a vawi nga nan kan update leh zuai anih hi.. Liverpoll chak lawm nan)

 

 #Awi leh, tin ka hlep a, a pawimawh ber ka hlep daih mai. . . Lewl

 

 #ZORAM HMASAWN NAN THLANG LAM MITE ANGIN I AWM ANG U(Weekend atan update leh hmiah mai :P )

#Thlanglama cheng te hi hnam hnufuala I ngai a nih pawhin Mizoram dinchhuah nan an nun I entawn teh ang u.

  

#1. Mengrei Generation an hre lo a. Hma takah an mu a, Zing takah an tho ṭhin.2. Mut hmat na na na chuan tih tur a awm si lo a, Fa tam deuh deuh an nei ṭhin. Hei hi Birth Control atan a pawimawh hle. 1998 aṭang khan mitthi te aiawh kan piang ṭawk a ni. Mizo kan pung lo tihna a nih chu (Birth Control Chungchanga Kohhran mite Kaihhruaina -SYNOD 2010)3. Tumah rilṭamin an thi bik lo. Sorkar hian thih a hlau jokes4. Luipui phairuam hmasawnna (Civilization) atan Ram ruak leh ruam, hmun awl ṭha an bawh peih (an hlawhtling em chu ka hre lo)5. An economy mil tawka inchei an thiam :P6. Awke aiah tangkawng an ngai hlu a, Awke an humhalh phah :D7. Power Supply khaihlakah an buai lo…8. Bazarah thil an lei vak vak lo, Thingpui an in chuan an duhtawk tlangpui9. Kawngchhia hi an harsatna a ni ber lo.10. Thawh ve tawh teh 

#Ka outreach a, Zu zawng emaw te min lo ti vel.............. :D

#Office ban a hun tawh bawk a tlan haw nghal char char mai teh ang... SAturday ka nin zia hi aw....... Ka duh leh ka nawi ang a, ka duh leh in eng lo mai mai thei tawh e...lewl — with Ramnun Sanga and 10 others. 

 #Ka la fing ang chu ka ti ṭhin a, mahse a teuh lo mai...!! tih Solomona sawi hi ka sawi ni awm zawk tak a ni.... lewl

# Mahse a ni chuan "Thil awmzia chu thuk tak, thuk em em alo ni. Tuin nge hringnun chu hmuchhuak thei ang?"tiin a tlip leh thei a, Pathian thu ṭha tak alo ni ta a ni.Tin, Khuarei hi a rei e, kum engzat nge ni ang le?

 # " Manchester Utd chak lo ka luam zia leh,Ka suai thai lau,Alo va mak ngai iammmmmmmmmmmm" tluk loh hi chu el em em ila ni mai, mahse A hmuhnawm thlawt a ni...................... Current awm lo erawh ka lawm lo...

# Tunlai hla lar, Kelly Clarksoni single thar "Catch my breath" hi ka download hman a, a zaithiamna ka (mouth) atanga thaw erawh ka catch hman lo.. A hla thu hrim hrim pawh hi ka catch hman lo a ni e....

 #Thusawitu khan "Two wheeler tlan pangngai lai chu a tlu ngai lo a, a din chuan a tlu mai ṭhin a ni. Tlu hman lovin a tlan mai a ni, chuvangin Kristiante hi tlu hman lo lékin rawng i bawl ang u" a ti. 

#Nawi emaw mi hnial kher in lo tum leh ang e. A scientific/ technical lam chu ka hre lo.... (Ka intlawhkhalh sa a nih chu ...lol) 

 #Kan kohhran upa min, trawng duh lo ve tak pawh hian, "In thusawi ngun taka ka lo ngaihthlak hian trul lo in sawi tam em alawm" a ti.

#Facebook ah pawh hian trul lo hi ka van sawi tam awm!

 # Zan khua alo tlai leh ang a, engtin awm leh ang i maw? A thim leh awm si a....

 #Kar tluana ka buai chuan zia awm lam panin, kar loh tluana kan khaw vawk talh nia nawi hman loh mawlh hi a nia ka hlauh, Awm mai mai, eitui bawk si, thawh tur nei si lo, mu mai mai a, thau em em ka nih loh avangin, chuti ang chu ka chaw hmeh duhzawng a ni e... www.naco-sims.nic.in hian min ti buai tawh hrih lovang..lewl

#"Standing here alone in the middle of nowhere" tih lai taka nowhere hi khawilai nge tih ka han Google a, ka hmu zo chuang lo reng reng.... Nowhere-a mahnia din reng thu a awm si lo a.... lewl

#Khawlum chak dan hian thil pathum min ngaihtuah tir :1. Khaw vawh avanga status update uar deuh deuh te kha; khaw lum avanga uar zual sauh sauh an nih leh tho ka ring!!2. Tlabung, Thenzawl, Sairang, Kolosib leh Vairengtea ka thiante ka ngai zual.3. Drug Addict hote tan Mawza bun reng a ninawm leh dawn. Fashion thar design sak an ngai a ni.4. Ka thiannu lehkhabu ziah Lungawina Hmasa Phek 158na-ah ka hmingpum ang ka hmu.5. Status update hi kumah a innghat lem lo.6. Kan Hostel Cook ṭhin pu Subash-a kha ala dam angem le????7. Pasarih hi Pathian number a ni…..8. Full moon a ni tih ka hre ve chiah, ka lung leng ta nghal em em a8. EPL ai hian La Liga ah hmelhriat an tlem........lewl — with Lalbeiseia Pachuau and 4 others 

# "In YMA hruaitu te zawng zawng nen hian BUAINA FATE in ni, Hhmeichhia in ni a, mipa kan ni, in chhuak reng mai" min han tih chu le!!!!,  

#Kan thawhsaka te, kan thawhchhan te hi ka hrechiang ema a, ka chhang duh lo mai a ni e"— at Drug Dependants Camping vuak vetah.

#Man Utd chak lai leh Korean film en chu a ninawm, hahthlak bawk si. . . .

 

 #Kan tleirawl laia kan Camping Speaker khan sawmna a siam dan a thlak thut a,.. 

 #"Pathian rawngbawl duh lo a, setana lama trang zawng thru rawh u. A duh loh zawng chu ding rawh u" a ti a.

#Tum loh deuhin kan piangthar ta kha a nia.  

  

#Kan Camping office a pension chungchang an ti ti: 

Lala:- Zirtirtu te chu hna nuam alawm. Hahdam si, chawlh tam si, zirlai ten an zah reng a.

Thanga: hna nuam a ni lo, pension thlenga thawh phei chuan a hahthlak lutuka an tar bawih zel. Pension chin phei chuan ha lem an siam tir ngei2 bawk. 

 Kunga:- Nia, an tar chak a, an pension meuh chuan hmuh tlak pawh an awm lo. Hnadang thawk an pension chuan an la h*r dawn chauh a, a hahdam a ni tih a hriat alawm ! Zirtirtu pension tawh nupui nei leh peih chu vang tak a ni, an thaibawih duh an ti si a. Etc etc 

 #"Death is not the end, not the solution. The solution is in you, start to Face your probem with patience now" 

#I fall in Fake Love, since i was born, but God loves me. That is real...

#Pathian min hmangaihna hi ka va hrefiah zo lo tak em! 

(hei coment atan hi chuan nawi khap a ni) 

 #Kan veng sipai pakhat hian "Engatinge zanlai khawvawt tak karah Kashmirah lehnghal, ralti bawk si a, ke kham tak, mut chhuak chung2 a ka din reng le? A bul ber chu Pawisa alo ni a" tiin a sawi a...Keipawh khawvawt tak kar, zanrei takah mahni inlum ka kalsan le? Pawisa vang a ni lo, YMA Duty nge Hmangaihna le? 

 

#Hotspot ah vawi 3 ka kal tawh, love line lam a lang lo. Addict life deal tur chuan ka dawhtheihna hi a daw thei tlat. Kartluanin kan camp pui dawn chu a ni tak si a leh . .. huiz 

#All India AIDS Employee kan nuar bawk a, mittui tla zawih2 chung leh, bawp pahnih leng meuhin kan nuar nileng teh ang. Nuar reng reng an nui ngai si lo a. . :P 

#Khawpui ber chu ngawi rengin kal ila, ngawi rengin haw leh daih ila, polythene leh thil thawn pumpelh keuh ang a, chuan kan leng huat huat thei ang. . 

 # Kan Egg roll chah ve hi a Ar ber alo la tui loa ni ang a.. A rei dan em em hi! 

#Im sorry, i cant be perfect. . . . Mit kalh adjust dan hi chu awm se perfect ve mai tur ka nia! Huiha 

 #Khawfing chah rual hian ka chat thla ve teh ang, kan threnawm naupang lehkhazir pawn a dan pangaiin "Urguai en is taw mo te" a ti leh tawh hi. . ! 

#Kan khua-ah chuan NLUP an sawi chuan a buai nuaih nuaih a, NREGS an sawi chuan mipui an phu suau zel, khawvelah hian tangka hi hlimna leh buaina bul a ni... 

 #Kan khaw kawng chhe khu lutuk hi chu aw, a hahthlak . . .Ka hmaa Scooty khalha tlan hmeichhia kha chiang lo ruaiin ka hmu a, hmel that hmel ka ti lutuk a, ka tlan pelh hnu chuan a hmel en chian tuma ka han hawilet pawhin a hmel ka hmu thei lo.. Kawng khuk vang pawh ni lovin Full faced helmet a khum vang a ni.. NOI 

#Zanin Joint YMA hruaitu kan thlang zet chu Nominee te an that dan a inang vek si a, a thra lo ber ka thlang/ziak keuh mai. . . :P 

# Ka inleng pa Dak thei tawk, Ṭawng rang bawk si hi a thil tihsual ni miah lovah Police ten dawp se, s insawifiah lai ka ngaithla ru chak e............ lol 

#Thianpa Beia said,Ka thiante min zawn sak ve hi "A hmelchhia pawh ka ti lo, a nghawng ût tlat kha ka tui lo, darthlalangah amah pawh kha inen se a induhkhawp bik lovang. ." 

 # Chhun lamah addict ten min pan a, zan lamah YMA takin addict te kan pan a,...

A Strategy & approach ava in ang lo em!! Khawvawt karah. . . Huiza 

#Lungawina hmasa, ka thiannu lehkhabu ziah ka chhiar a, ka hmuh chian tak em em chu. . .

# KRISTIAN CHHUNGKUA din tur chuan Nupui neih phawt alo ngai dawn a nih hi a. . . 

#Mi dum Alkatra chhuang zurui lehnghalin 'Ka Vanneih chuan Lunglei DC ah kaisang thei' an ti chu Awih ava har em! 

#Khatia Vespa Scooter ngei khalh a, 71 RCC Lawngtlaia ka tlan lai khan mi dum kawngluan hovin an Pu thar an lo lawm a, Hip Hip Hip, Hurray tiin an lo au dual dual a, an ban pahnih kha an lo phar suau suau thin a, nawm hmel kha ka ti khawp a, Speed breaker zawnah tak ka tlan lai chuan HIP HIP HIP an lo ti leh a, tlan muang chuang eih lo hian Hurray tiin ka ban pahnih chu ka phar ve ta ngawt a, ringtu hi a tluk loh theih loh a ti... Ka patea a ni miah lo a nia aw..... 

 #Ka hnung lam atang hian mi lo kuah thuak a, " Kut dinglam thing ngeia ka chibai thei lo che hi, a pawi ka ti lutuk a..." tiin a sawi nghal a, "A pawi hlei nem!!" tiin ka chhang mai a. 

#Ka han ngaihtuah chiang a, a kut dinglam bul ta kha a pawi lo ka tihna-ah a ngai ang tih ka hlau a, ka inthiam lo khawp mai..... 

#Nizan inkhawmpuia ka tuipaina (Tuperware leh a case) theihnghilh, zing inkhawma Bo an puan lai khan ka hming an puang tel ang tih hlauin ka la khur ru reng, ka lo mark bawk si a :P 

#Ka haihawt tìh reh nan damdawi REMIND min eitir a, ka Ex ka hrechhuak daih... Side effect awmlo tih takah engmah effect pawh a nei lo. Kekawr tight tak, a tak thawl lawi si tih reh tum a, damdawi ei ang vel a ni... Lewl 

# Natna hi Pathian min fawhna (Kiss of God) a ni --- Mother Teresa...(Fawh khat duh mah la, Natna hmang lova fawh theih miah lo ringtu ilo ni mial em?) 

#Awi ka nu, Movie ka download a 5 days remaining a ti nia, a len chu thuhran, a muang ve hrim hrim... 

#Thla hlei nga zanah hian Venus, mars, jupiter leh saturn a lan laiin, ka Di erawh a lang lo. "Ai zawl a mi (kher lo pawh) nupui min zawn ru..."lewl

#"Vai zurui leh nghal an thenawm nuthlawi inah a leng a, a bengchheng lutuk chu a khak sak a, a hau na deuh nge Chu vaipa chuan a lo duh lo hle a. Vai zurui chuan insualpui-ah a cho ta a ni. A thinrim lutuk chuan chu vaipa duh anga insualpui chu a tum ta a. Mahse a khawngaih deuh avangin nachhawkna damdawi chu barh luiin a ei lawktir nia!!!

 

#  Hmelthra ka tih Range hi a zau ta riau tih ka hrechhuak chiah!!! Lewl

#  The Kneeling Christian (Kristian thingthi) tih lehkhabu hi mu chungin chhiar daih teh ang.

#Hei hi Lunglei Broadband a ni. ‪#‎Grammar leh thuziak reng rengah Makna chhinchhiahna (!) a lo awm hi chuan mak vak lo pawh ni se, Ava mak em kan ti tur a ni.
# Internet hman laia Makna chhinchhiah (!) a lo awm chuan a mak tih loh tur, ngaia neih thiam theih nan chawlh lak thiam zawk tur a ni a.
‪#‎Online monthly reporting / data enter laia Makna (!) a lo awm erawh chuan Ava ngeiawm thin em ti mai lovin mahni hi Canteen lamah in report thiam tur a nii....

# Keni ang 'Vairengte kawng danchah avanga independence hmu tura inngai ve ngawt tan' chuan politics khelh aiin football khelh pawh a hlawk ta zawk. Fielda mi 11 aia tam lut tura insawipui a theih ve lo a. Mi thiltitheite ten hui zawh vek tur an nei bik lo a" said thianpa Sateel Rajua

---

Attention Photographer!

May 4, 2015, 11:27 pm

≫ Next: Interview with painter

≪ Previous: Facebook diaries

$

0

0

 Tangrual ang u

  

Tlawnghnar ramngaw- Mobile

  Kan chhungkua kan chawm nan phung thlu hman lo lekin kan bei a. Pathian thilsiam dang hmangin kan intungnung hram hram a. Kan nunna hlu tak chu zuahin a la awm ve thei asin. Kan ram mamawh thing leh mau, nungcha te humhalh duh hle mah ila kawng dang zawh thei ka ni mawlh si lo. Kawng dang tha leh felfai zawk hmanga chhungkaw chawm ka duh mek lai hian kawng min kawhhmuh thei em ni? Ramsa pel leh ramngaw tihchereu hi kan duhdan a ni bik lo a, duhthlan tur kan nei lo mai zawk a ni. A tulna avang zawka a thim a var, a sur a sa pawh pawisa lova ei tur kan hmuh theih nana kan thawkchhuak hi kan ning ve hle a, thlakna tur erawh kan hre si lo a nih hi. Pathian thilsiam te hi humhalh pumhlum kan duh a, kan theih tak si loh avangin kan mamawh chu kan suat a, a inthlahpunna dal turin kan suat ngai hek lo.

    Nangni khawpuia chengte leh eizawnna tha zawk nei a, khawsak nuam zawka khawsa te u, induh chu in lei a, in nei thei a, inhlim hle emaw kan tih laiin kan dam khawchhuahna tura kan eizawnna min sel maw? Nangni angin ei leh in tur hrisel tha, tuihnai leh tharlam zawk pawh kan hmu ve thei lo a. A hmui tui leh hang tui zawk chawhmeh kan hmu pha lo a, phai lama chawk luh ei tur lah kan lei ve thei hek lo. Kan thalai te hlimna turin Gym emaw, recreational centre emaw, inkhelhna tur hmun emaw, Computer game leh show hrang hrang te hi kan ban phakah a awm ve lo a. Chuti chung chuan zan hnih khat riaka Picnic leh Outing in tih emaw ni, eng hming emaw hmangin Nungcha suat zawngin thingtlang lam in lo bel a, tur hlauhawm, chinai leh bleaching te, bomb chi hrang hrang leh silai hmangin sa in pel a. A chi tur reng in zuah ngai em ni?  Keini chuan a no neih lai te, rahtlan hun leh inthlahphun dan engkim hria-in kan dimdawih zawk asin.

    Nungcha leh ramthla mawi tak tak te hi nitina min hual veltu te an ni a, Midang te hmuhah pholangin an thla laksak ve thei lo mah ila, kan mitin a hmu a, kan duhtawk mai thin. Keini chuan a no awp lai te, a tuipai hun leh a inthlahchhawn hun te hi kan zah a, a ti ralti turin kan awm ngai lo.  Nangni angin a mawina chauh duh a, nileng leh zan tairek thlenga veh kan hman ve hek lo. Hmanrua leh thlakna tha zawk neia humhalh duh in nih tak zet chuan a mawina chauh laksak tum lovin, a humhalh kawngah te hian hma la hmasa ula, tichuan, awlsam takin kan nungcha te khawvel mit hmuhah in pholang thei dawn asin! Pathian thilsiam mawina pholang turin ram pilril leh hunbi pawh awm lo lekin in kalchhuak thin a, fak in phu hle a ni. Nungcha awmchhun te um a, a thla in laksak theih avangin.

        Nungcha te inhmangaih a, in humhalh duh tak zet a nih chuan tun mai hi thlir lovin ke pen turin kan chah duh che u a. Min dem mai lovin tunge nungcha leh ramngaw ticheu thin tih hriat tum ula. Hausak belh duh avanga hlawhfa meuh chhawr a, kan ramngaw phin darh a, thingzai leh suat rem thin tih hriat tum ula, Dan phal loh thila inhnamhnawih te an awm a nih pawhin a finfiahna thla te hi laksak tawh in awm em? Nangni wildlife photographer te u, Rorelna hmunah ramngaw leh nungcha  humhalhna atana tha lo, suat remtute thlalak a finfiah turin in phochhuak tawh em? Dan hmanga humhalh turin hma in la tawh em? Hma in la bik lo a nih chuan indem ngawt thei kan awm em ni? Keini chuan kan damkhawchhuah nan kan vel a mi kan tichereu pawh a ni thei a, hmun hla leh tukloh ram kan daidarh ngai lo. Kan lui dung suar tluan a, tur chak zawk hmanga ei tur leh man peih loh tur thleng thlenga nungcha zawng zawng suat thin le? Tangrual ang u.

Interview with painter

May 5, 2015, 3:28 am

≫ Next: Kristian thumal thar 22/2015

≪ Previous: Attention Photographer!

$

0

0

Living root bridge : Cherrapunji, Meghalaya  (Drawing world heritage)

Tun tumah hian Zoram huapa mi lar leh mi hmingtha kawmin hun hman tum ila,

     LT Zohranga hi Lunglei Ramthar veng Lungleiah chengin Nupui H.Biakthansangi nen kum 1989 khan Ramthar vengah inneiin, tunah hian fa thum ; LT Vanlalpekhlui, LT Malsawmkimi leh LT Vanlalruatkimi neiin chhungkaw hlim takin an khawsa a. A ni Kohhran leh khawtlang, ram leh hnam tana inhmang tak niin tunah hian hunawl nei lo lekin mi dangte kaiharh turin hun a hmang mek a ni. BCM Zion kohhranah rawngbawltu niin, YMA secretary te ni tawhin, MAL Lungleiah hian hruaitu a ni a, Lunglei Dist TB Forum ah chairman niin, The Leprosy Mission Lunglei chapterah Finance Secretary niin rawngbawlna hrang hrangah a buai thei hle a ni.

    Kum 1965 khan Pu LT Hrangzela leh Pi Nupuii inkara fa panga zinga a mi lai ni turin a lo piang a, Bristish Institute Bombay atangin Diploma in Fine Arts (3years course) a zir a, he tih lai hian transport and communication harsatna avangin a zo thei ta lo a. a tuina ber Painting lam chu thlauhthla mai lovin kum 1982 atang khan a luhchilh nghal a ni. Tunah hian Paiting 300 chuang paint tawhin Chhim lam tana sulsutu nih tumin Kum 2012 khan Zomawi School of fine Arts chu dinin, zirlai hi kumtinin laksen loh a nei a. Hetih lai hian Mizo naupang thanglian mek ten Painting kawnga daihriat leh tawnhriat, eizawnna nei thei tur khawpa hmala in hun a hmang mek a ni. He a zirna school mai hi duh tawk lovin Baptist Higher Secondary School, Jr Section nen tang hovin kum 2013 atangin tun thleng hian naupang zirtirna leh painting sulsut kawngah hma an la la zel a ni.

    National leh State level hrang hrangah hian Awards a lo dawng tawh a. Lawmmman aiin Painting hlutna pholan a nih hian a lawmzawk a ni. Nehru Yuva Kendra Lunglei tan vawi tam tak Resource person niin, Painting chungchangah Seminar, Workshop leh zirtirna hmangin a lo fehchhuak tawh a. Mizo ten Paintinga hma kan sawn theih nan hian tha leh zung tam tak a thawh tawh a ni.  Painting hmasawnna leh a kaihhnawihah hian ramchhung hmun hrang hrangah vawi 18 chuang a lo feh chhuak tawh bawk a ni.

    Painting lama tui tur hian Philosophy, Arts, Poetry leh thuziak thlengin a pawimawh a, Article 128 ziak tawhin khawtlang siamthatna lam hi a ni deuh ber bawk. Environment humhalh, Photography leh Painting hi a tuina ber ber  ani a.Pipu sulhnu chhui leh humhalh hi a thil duh ber te zing a mi niin, world heritage te humhalh CHERRAPUNJI a Living root bridge pawh a lemziak turin a pan nal nal a, Mizoram chhunga Rualalung Middle school compound pawh ziak turin a kal nal nal thei a ni.  A tuina ber a nih avangin. A theih anga hmalak duh mi pawh a ni. Darthlang Cartoon bu siamin Bu hnih a lo chhuah tawh a. Chanchinbu hrang hrangah khawtlang leh ram siamthatna lam tar chhuah a ni tawh bawk. TKP/KTP thalai te zingah Arts Education pawimawhna chungchanga inkawmna nei turin vawi tam tak a fehchhuak tawh bawk.

British Made

A fapa paint

chawngtinleri

Ka seilenna

Zomawi kawtchhuah

kawtchhuah

khampat bungpui MAL lunglei

modern art

Fam Lalzova

Lo haw thuai thuai

Love letter

Rualalung M/S Compound

Rose Water colour

palak dil

Tawkte hnah hmanga nemkai

Pi pu chhuahtlang hlui : Motivated from Liandala Pipu chhuahtlang hlui

Dawrpui vengthar Presbyterian Church Design

Mizo nula

Mizo nula : Photography

Runlui lei

Modern Art : Pratical paint at Assam University Fine Arts Dept.

Mizo puanchei : Modern Art

Kristian thumal thar 22/2015

May 10, 2015, 10:41 pm

≫ Next: Drama 15 Mins Play 23/2015

≪ Previous: Interview with painter

$

0

0

Thlirna dang atanga Kristianna

Tunlai khawvel mi ten kristian leh kan sakhua an hmuh dan hrang hrang ka ngaihtuah a, thil ni thei awm ang te ka chhui ve thin a. Sawi tur tam chu nei lo mah ila, keini hi kan lo inenfiah theih nan heng thu pali hi kan tarlang ve ngawt teh ang. Thu leh hla lama tha tak, a that lohna sawi tur awm miah si lo; Kristian sakhua hi kristian nun leh nunpui dan hian sakhua tha tak a nihzia a lantir thei lo a ni. Albert Einstein-a Theory ang deuh a ni ta (Eng tluka chaka zin a, naupan lai hmuh leh theihna ang deuh) a thu lama dik thluam si, a taka dik emaw hmuh tur emaw awm miah lo ang hi a ni. 

Platform Kristian:Kan zoram khawvel hi bible thu leh nundan tur tha hrang hrangah hriat kawngah chuan kan sang ta hle mai. Bible chang khat thu vawng lo an awm ka ring lo. Kan society nena inzawm tlat Pathian faka zaiah pawh kan sang e. Awmkhawmna apiangah khuangri hriat tur a awm zel a, a thu leh thluk chu a ri zel zul zel mai a, thil tha tak a nih lai hian min hruai bo thei hmanrua a ni ve thei bawk. Pathian thu, Fakna hla leh Tawngtai thiam avanga thlamuang ta ngawt, bo intih hre miah si lo kan pung ta hle mai. Huraitu nihna dnhmun luah tupawh eng mi pawh chu dawhsana tawngtai thei turin kan beisei zel a. Kristian, hruaitu, hmalatu zawng zawng chu dawhsana thu turah kan ngai ngawt bawk. Dawhsan kan ngaihsanzia ka ngaihtuah hian Lansarh kan tum ta lua a ni. Thil tihtheihna leh lansarhna bak ava hring lo em! Nun chhungril lam kan tlakchhiat phah hlauhawm ani. Platform Kristian chauh ni lovin, a langsar lo laiah te, a hniam lai berah te, a biru laiah te, hmun rehah te pawh Kristian nih ngam hi a hun lehzual ta hle.

Gospel Commercial: Mihring hi a hu hova awm tura siam kan ni a, mal taka inkhur bing kan thei lo vek a ni. Mizo society hian Kristianna hi a duh huam huam a, kan hmasawnna pawh a ni reng a ni. Kawng hrang hrangin rawngbawlna kawng kan zawh a, kan phak loh thleng thlengin sum kan tuak a, rawngbawlna-ah hian kan buai tak meuh a ni. Isua theih nghilh thak khawpin rawngbawlnaah hian kan buai zo ta. Pawl leh kohhran hming changchawiin, dawt var kan sawi a, sumtuak nan thil tha lo zawk pawh kan zuar a, kan fakmawi thin. Chhungkaw hrang hrang theihna hre lo lekin kan bel lui a, thawhlawm kan tuk a, kan khawn ta thin a nih hi. Miin a phalna lam ngaihtuah lova an hlawh leh lakluh ngaihtuaha kan barlui ngawt thin hi sim a hun ta. Chanchin tha hi a kual zawngin kan zuar ta mai em ni? 

Gospel blackmail :Kan ngaihhhlut zawng a inthlak zel a, Sipai ngaihsan hun a liam a, Driver ngaihsan hun nen, Officer pak huam huam hun a kiam a, Photographer kan um ruih ruih mek lai hian Kohhrana thawktu (entir nan Pastor, Missionary leh Evangelist etc.,) kan ngaihlu a, kan bawh leh hle mai. Thil tha tak pawh a ni. Ram rorelna leh Khawtlang inawpna hmunah te, inlaichinna kawngah te kohhrana an hmingthatna  leh lansarhna changchawia hma-theh ta mai lah bo lo. Kohhran huang chhungah thawhlawm thawh tha tura phut leh kar thiam riau te kan pung ta zel a. Lawm avang thawh (Thawh + lawm) ni tawh lova, Thawhhlauh (Hlauh + thawh) hi a awm theih ta hle. Kan ram economy, chhungkaw economy thlir hian sakhuana hian min rawk ta chu a ni ber mai a! Kan inkhawmpuiah te, kan sumtuak danah te hian sorkar sum tlang tihek zawng leh hlethletna rawngkaia kan dil min tihhlawhtlinsak loh chuan ti ni-awm fahrana kan nawrseh fo hi chu sim a hun ta.

Advertised Kristian:Kristian nih hi infakmawi ngai miah lo, nundan hmanga lanchhuahtirna tur a ni a. Kan thiltih that leh hnathawh, rawngbawlna te hi fakmawi chawp ngai lova mite hmuhtir tur a ni. Dawt var nen lama kan nun, kan thil tih dik lo, kan sawi mawita fo hi mak tak a ni. Lal Isua kha chu a ngawi reng a, keni chuan human rights kan changchawi leh mai dawn a ni. Thilpek pe tha, Kohhran bel leh rawngbawlna thawhhlawk chu langsar tur anga dahna a awm a. Thilpek tam lam aiin pek bang la awm ah reng teh a ni lo. Biakin lian leh ropui chu kohhran nuam leh nunga ngai an pung ta.

Heti ang mi hi chu Kristian zingah mi tlem te pawh an lo awm a ni thei e, nimahsela, kan hmai tibal thei tu a nih avangin fimkhur a tul hle a ni.

Drama 15 Mins Play 23/2015

May 13, 2015, 10:31 pm

≫ Next: Societal - Change

≪ Previous: Kristian thumal thar 22/2015

$

0

0

KAWNG LEH THU TAK 

( Lawilo Tualzawl-ah chuan Dawrah hna an thawk mawlh mawlh a. )

Zauva       :         Tunlai khawvel hi ka thlir a, Pathian lokal hnaih tawhzia te an sawi tak na a, kum hlun tur in leh huan lo ram tha tak tak ngaihtuahin an tul em em vek lawi a, Pathian bera pawh hi an theihnghilh daih nia!

Pastor       :         Khawvel finna leh thiamna te hi Pathian thu nen hian a inmil thlap a, Ngaihtuah theihna min pek danglam tak hi Pathian ropuina turin kan hmang mai asin.

Zauva       :         Kristian chu kan tam khawp mai. Rin dan a tam a, pawm dan a tam a, hriat dan pawh a tam a nih hi. Sawi dan a la tam leh ta nghal... Rinna hi engtia tihfamkim tur nge pawh ka hre lo a... Hetia mahni hna thawka awm mawl ve tawp hi a lo hahdam ber mai.

Pastor       :         Chu chu Kristian nihphung alawm le.

Ruata        :         Theory-a dik thlup hi a tak hian an tidik hlei thei lo a nih hi. Ziaka chhinchhiahna lamah kan dik em em a, a taka hman kawngah kan dik theih loh avang hian alawm kan inlakhran bikna chu.

Zauva       :         Platform Kristian nih ngawt hi kan duh ve lo a, dawhsana kristian kan nih chuan kan hnathawhna hmunah kan dik bawk tur a ni kan ti thin a. Mahse, hetia kan lo inhmuh chian tak chinah chuan hmun him lamah kan insawn ta a nih hi.

Ruata        :         Ni tin kan ei khawp chauh dil thin, buhfai buk dik lo pawh ngaimawh lo thei tak sorkar te, kristian te lak atanga inthiarfihlim hi chu a nuam ngawt mai. Keinin kan tlukchhiat ber pawh Pa ropuina kan ti hep hep tawh mai.

Zauva       :         Pathian duhzawng hre tur chuan Bible sawi anga nun a, dik taka tih mai hi alawm e. Gospel hi Commercialise ang mai miten thawhlawm an thawh theih nan kan campaign ngai lo a, kan tuk (lui) ngai bawk hek lo.

Pastor       :         In Pathian thu sawi chu dik lo pawh a awm miah lo. A tha hlawm hle mai! Lak vawng bik leh thurchhuah nat bik in neih avang leh mihring nun finthuruk a kalkawp loh avangin in la buai zel dawn a nih hi.

Ruata        :         An zing ata kan kal chhuak a, sual laka a hranga kan awm te hlei hlei hi Pathian duhzawng chu a ni asin. Pathianin min chhinchhiah hi ka duh tawk a, U.I.D emaw hi kan mamawh ve lo a, a hahdam khawp asin

Zauva       :         Bible te chu kan chhiar a, kan rin Pathiana chu kan hrechiang khawp a.  Sualna laka inthiar fihlim a, thlemnaa luh loh hi a ni mai. Thlarau mi chu sual hua te hi an ni a, kan han thlarau mi rem rem khawp a.

Ruata        :         Ni tin ei khawpin in dil a, kar khat Quota lak loh erawh in phun reng zel a. Dik lo deuh mahse a thlawn a nih chuan in haider a. Sual do ngam pawh in awm tawh loh hi..?

Pastor       :        Hmufiah leh hre bik riauva in inhriatna chiah hi in hriat bik lohna chu a ni a, chu chuan a hruai bo ta che u a nih hi. Mi dang rinna zawng zawng in la ringhlel leh nghal a nia. In rinna pawh hi nakinah chuan in la ringhlel ang.

(Thil siam lai chu an chawl  a, an insiam rem vel a.)

Ruata        :         Nangni zawk hi alawm inzir bo le! Hrilhfiahna lama hriatna hmachhuanin in kal a, Bo tih reng in inhre zawk si lo a.

Zauva       :         Theology zir a, hre fu si hian inngaihtuah thui leh lutuk a, a ni thei ANG tih ngaihtuah reng rengin hun in hmang a. Thlarau thusawi aiin Commentary emaw Committtee emaw in ring ta zawk a nih hi.

Pastor       :         Eng emaw ti muan muan chuan in thlamuang phian si a. Mangang leh hamhaih miah lova in awm avangin Bo emaw te chu min la ti mah zawk a. Khua hi a va var lo teh lul em!

( Thilsiam lai chu an siam zo a)

Pastor       :         Kha le, ka lawm hle mai. (Wallet zen phawrh pahin pawisa a pe a).

Zauva       :         A na i ti lo maw?

Pastor       :         Na lah love, (Tawng a hresual a) Hre ber emaw intihna te kawng dik ber zawh emaw intihna te hian a hruai bo che u a, khawiah nge in awm tih inhre si lo.

Zauva       :         Thil siam tir man kha ania ka tih zawk ni!

Pastor       :         A ni zawk maw? Ka sawi tum tak zawk chu In rin Pathiana hi chu a dik lo ka ti reng reng lova, in rin dan leh kaldan hi chu a fuh lo deuh a ni. “Keimah a kal lo chu tumah Pa hnen an thleng lovang” tih a nih kha.

Ruata        :         (Pastor kal tur hriatthiam theih turin) Head?uarters leh BD, M.Th emaw CHDCH, ZNP, KZP Degree khan i beng a ti ngawng a, in mit a ti del a, in hriatna a dik lo zo ta a nih kha. Keini chuan underpant ah kan hmang a, pawimawh tak hi kan dahbo thiam a, kan phawrh ve sek hlei nem! Thlarau hruai theih turin kan awm tawp asin.

Pastor       :         Hrilhfiah ai chuan tawng harh in mamawh zawk a nih hi. (A kal bo nghal a)

(Pastor chu mi pathum hruaiin a lokal leh a)

Pastor       :         Zauva, Heng te hi i LAWILO DAWR pan tur an ni a, an lo thlen theih dan zawt teh a. Nge an mahni hian an sawi zawk dawn?

Vena         :         Sumo Counter-ah hming ziakin pawisa ka pe a, he lai lo thleng turin kawng peng ka hre lo a, Chinchang hria zawh tur ka hmu si lo a, Mi pahnih pathum ka zawt a, kawng dik lo min kawhhmuh a, kawng dik lo ka zawh thui hma-in a dik lo va, ka bo tih ka hria a, hepa (Pastor chu a kawk a) hi ka lo inhruaitir alawm le.

Ramliana :         Ziak leh chhiar ka thiam a, kaihhruaina -Signboard (Signage) chhiar pah zelin ka lo indap chawp thei alawm le. Kawng peng tinah chhinchhiahna chu tar lo se chuan he kawng hi (Bible a lekchhuak a) ka lo zawh thei lo ang a, ka bo chu a ni mai dawn si a.

Biaktea     :         Phone hmangin ka be pawp reng a, top up atan insengso deuh mah ila ka buai lo reng reng. Khawvel finna leh thiamna hi hman dik chuan Bo lo turin a chhawr tlak fu mai. Lawi lo khua pawh ka lo thlen theih phah a nih hi.

Bula          :         Lawi lo khua hre tawh hre tawh leh kal tawh sa ka lo zui a, a hnungah ka lo kal mai. Tumtawii chu amahin a kal a, ka phone pawhin hre lo leh kawngbo ah min ngai tlat a. Lawilo Dawr a awm ngai lo a ni ang te tiin min chhang a. Tunah phei chuan Signal awm lohna hmunah a awm a, kawng kawhhmuh theih reng a ni ta lo. A lo thleng ve thei dawn ta lo a nih hi.

Pastor       :         Zauva, Pathian hian mihring remhriatna kalhin emaw duhthlanna tel lo chuan hna a thawk ngai lo a, hetah hian in ei tur mamawh pek an tum che u a, in ei duh tlat loh chuan an kirsan leh ang che u. Riltam bak in hmabak a awm si lo

Chorus      :         Kei hi kawng leh thu tak, nunna chu ka ni. Keimaha kal lo chu tumah Pa hnen an thleng ngai lovang.

  

PURPOSE ;       (Zobawk North Bial Zaipawl te chuan June-July thla chhung hian Chanmari khua leh tui ni bawk, Kan Bialtu pastor tawiawmin Old Ralvawng kan kal dawn a, chumi atana Street Play tura ka ziah a ni a. Bial Zaipawl member ten kan chang ang a, mipui lo pungkhawm chu Rev F.Lalsangliana chuan Pathian thu a hrih turah kan beisei.)

NOTE       :         Old Ralvawng hi Lunglei South ABC huamchhungah awmin, Zero kulhpui a ni a, Baptist Kohhran tlem te, fahrah tak dingin Sorkar rawih zirtirtu leh mi pahnih khat inpekna avangin Kohhran a la kal ding hram hram a ni. Ramthim aiin a thim a, a khirh zawk bawk a ni. Lunglei S ABC Chanmari-a inkhawmpui Rorel chuan Khualbuk sak a ti tlu a, tunah luah theihin peih ngawr ngawr a ni. ABC Hruaitu te, Pastor bial fang leh Zobawk North Bial hruaitu tlawh i lo fahranah a tangkai hle ang le.

AIMS :

                   1) Kawng dik zawhtir,

                   2) Khawvel finna leh hmasawnna hlau lo tura zirtir

                   3) Mi bote Krista hnena hruai

Societal - Change

May 31, 2015, 10:09 pm

≫ Next: Tawng hmanga Hnam humhalh

≪ Previous: Drama 15 Mins Play 23/2015

$

0

0

NUN SUAR ANG A CHIM ZO TA EM NI?

Mizo hlaphuah thiam ber pawl pakhat hlaah chuan hla thu mawi leh \ha, thluk nalh em em kan hriat; 'mizo nun tluchhia- suang ang chim tih hi' hi kum tam ral ta ah pawh ala dik dawn chauh a nih hi. Hmasang a\anga in \an tawh pawh nise. Mihring nun hi chu buaina a khat, nuam sa tura inchhek khawl \hin kan ni. |halaite khawvelah hian malsawmtu malsawmna hre lo lekin kan hun kan hmang ral ta anih hi.

Hnam changkang hmasa leh ram ropui-ah te chuan hun hi rangkachak a nih tho rualin, an ni tan chuan awmzia a nei leh zual a ni. Ni khat a Vawksa Kg khat man kan thawh chhuah laih laih laiin, an ni-ah chuan darkar khat emaw lekah an thawk chhuak der thei zel nia. Hetiang anih avang hian sum an thawkchhuak a, nun nuam an thlahlel a. Week End hman pawh an thlahlelin an thupui ber a ni fo \hin. Mizote pawh hian kan tawng mek zel bawk.

Materialism :Pathian hian mihringa finna a dah hi inkalh chang a nei hian ka hre \hin. Bianga thlan tui luang zawih zawiha hnathawk tur a bei tur kan ni a. Barter System a\anga pawisa note lo chhuah thleng hian kan khawsak phung hi ava danglam chak em!! Thlai thar in hleh den den \hin kan nih laiin Sum chang thlai alo ni ta vek a. Kan thil neih leh a hlut zawng te Pawisa a teh alo nih tak avang hian kan hawiher a danglam ta a ni. Pawisa hi Pathian dawta pawimawh tak a ni a. Pawisa pathian theih a nih lai hian Pathian pawhin pawisa tel lo hian hna a thawk thei ta lo a ni ber e. Mi hausa leh sum ngah ten vanram a luh theih loh tur thu kan sawi mek lai hian Sum ngah turin mawng hung hman lovin hna an thawk ta. An thawh hah avangin chawlh leh nawmchen pawh kan uar ta anih hi. Hlimna nei turin a zawn a zawn a ngai tlat tawh a ni. Thiamna a sang a,  natna te hi a hlauhawm tual tual a, kan inthlahdah phah lawi si.

Natna tihdam theih a ni emaw enkawla zia awm thei a ni emaw duham \hin mihring rilru hi siam a har a ni ang. Cancer, HIV/AIDS, Hepatitis, Ebola, Swine Flu leh natna hlauhawm dang tam tak te hian kan thlarau nun leh thih hnu piah ram a khawih loh avang nge kan pai dam thei a. Thluak a sum ngaihtuahna chauh lut tawh hi a hlauhawm ber a, thinlung khawih chhia in, thinlung ber a hlemhlet tawh hi chuan khawvel nun hi itsikna in a khat a, thlarau nun nen lam a khawih pawi thei a ni.

Workaholics : Khawvel hi hmangaih suh u ti a kan Pathianin min chah lawm lawm lai hian Hnathawk lo chuan ei pawh ei suh se tiin min vau bawk si a. Pathian thu hi hriat thiam a har a ni. Hna chu thawh tur a ni a, malsawmna pawh a ni a. Hlim taka hun hmanna a ni. Amaherawhchu Pathian aia thildang ngaihpawimawh hi sual a ni a. Tangka sum ngainat hi sual tinreng bul a nih kha. Tangka sum ngaina te chuan hausak leh nawmchen bak hmabak an nei lo. Hnathawk nasa leh hah inti, awm \ha duh lo te chuan Zu leh sa an duh \hin. Sap ho chuan hnathawh hah chhawk nan zu an in \hin a. a tawpah chuan zu ngawl vei an nih phah \hin an ti. 

Khawvel thil-ah pawh hian ngaihtuah ta ila, Computer/I.T Khawvel ah kan cheng a, mi tam tak eizawnna chu Computer leh a kaihhnawihah a ni. Hna an thawhdan chu Computer hma-ah hun rei tak tak an hmang \hin a, Pathian leh  a Kohhran tan, an chhungkaw tana hun hmang tlemin, an inngaihsakna a tla hniam tial tial a, Harsatna an neih phah \hin. Computer Mouse an Click (hmet) nasa lutuk a, an nupui te leh an fate pawh an Click *(hmet) bo daih \hin. Driver leh eizawnna dang thawk \henkhat te pawh hian an chhungkaw nunah harsatna an neih phah a ni ti raw? (Nupui te aia Phone khawih nasa leh phone ngaihsak zawk pawh a awm theih ang)

Shopaholics : Thil mawina hi chatuan daih tiin John Keats a chuan a sawi a, mawi leh nalh hi mihring te hian kan duh a. Tunlaiah phei chuan kan hawiher leh nunphung hi a mawiin, a nalh zaih tawh a ni. Thawmhnaw leh mamawh loh thil neih, lei hi kan thupui tawh lo maw? Second hand thawmhnaw man tlawm em avanga lei \hin, inthuam leh duh si lo hi kan va tam ta em!! Home Mission etc., a thawmhnaw leh bungbel pek tur an khawn emaw mi harsa zawk te pek tur I neihdan a\ang khan I mamawh lo thil neih leh lei hi I chin gem tih I hre thei ang.

Smokaholics :He thu hi saptawngah a awm pawh ka hre lo a, a chung a ka han tarlang te a\ang khian ka nun nen  a inmil hle a, hna ka thawh a, ka menrei a, lehkha ka zir emaw, thil \uldang ka tih apiang hian chhuan lamah meizial ka zu sek a, ka zuk tam phah \hin. Ka chak vang a nih pawh ka hre lo. Chutiang zel chuan ka hnathawh dan a zira kan nun ti chhe thei Zawnga habit/chindan \ha lo kan neih te hi sim a ngai a ni. Kan ram leh hnam hmel a ti bal tlat mai. 

Hahchawlhna leh Nun siamna :Khawvel hi kan chenna ala nih tlat avangin manganna leh phurrit te phur \hin mah ila. Lal Isua-ah kan hahchawlh loh chuan phurrit hi mihirng chakna a phurh zawh chi a ni lo. Kan nun alo tlachhia a, harsatna khirh khan tak kan nei anih pawhin Isua ah siam thara kan awm hi a ngai a. Engkimah A ram leh a felna kan zawn hmasak a ngai tak zet ta. Nun suar ang chim din thar leh nan chuan Lal Isua hi a tawk a ni.

Thalai Aw, Evangelical Weekly copy hlui 2011 ami ka hai chhuak hlawl mai, kan dah tha ve mai mai teh ang

Tawng hmanga Hnam humhalh

June 28, 2015, 11:43 pm

≫ Next: Football Biahthu

≪ Previous: Societal - Change

$

0

0

June thla chhunga upload vawihnihna, 

Football Biahthu

July 2, 2015, 2:32 am

≫ Next: Rentin daih nun

≪ Previous: Tawng hmanga Hnam humhalh

$

0

0

FOOTBALL TEAM KA ENKAWL VE A

Thuhma:Zobawk hi Lunglei atanga Km15 hlaa awm a ni a, chu chu ka pian ka seilenna khua a ni. HPC Cup 2015 chu June 16 2015 khan Thuamluaia mualah neih a ni a. Lunglei District Village Council footbal team 63 zingah Team 50 chhuak theiin, chung zinga Team pakhat, enkawl ve tur chuan Games & Sports Association hotuten min ruat a, Manager hna chu ka pawm laklawh si a, a tawp thlen loh ka duh loh avangin hman lo chung chungin ka enkawl ve a. Zobawk North hi VC indang hlim kan ni a, VC te chu belh loh theih loh an ni ta a nih chu. Chuta ka thil zirchhuah tak te chu thailan ka duh a, sawiselna aia insiam that tum kan awm takin. Sum leh pai tel lo hian a huho rawngbawlna hi a kal thei lo a ni tih ka hrechhuak bawk. 

ARSH (Adolescents Reproductive Child Health) chungchanga Training ka neih atangin Tleirawl enkawl hi a pawimawhzia ka hre thar a. Juvenile Delinquents leh Truancy, khawtlang kalphung atanga penbo leh mak tak taka chetna an neih, an chin tan hi an thiante avang a ni tih hi ka mit ngeiin ka hmu ve ta a. Football players 15 zingah hian Kum 16 - 24 an tam ber a, Kum 26, 39 te pawh an tel lawi si a ni. Pawl sawm atanga College kallai an i vekChung mizia inang lo tak tak, Football tuichilh tlat te, incheina atan hmang te leh hrisel phah beiseia khel te, Thiante ak ruala ak duh ve avanga lo kal khawm te an ni. Thununna ngai thei miah lo leh thinlunga chapona nei tak te kan nih avangin ngaihdan hrang an nei a, ranvulh anga enkawl ngawt theih chu an ni lo.

Rawlthar nun ka tem let:Tleirawlte hi chawh phur (Motivate) reng an ngai a, chuti chung pawh chuan an la hnual awlsam em em a ni tih ka hria a. Chhungte leh zirtirtute, thiante thusawi hmanga tuina tlahniam leh phur lo an ni duh khawp mai. Luhlulna leh atna chi khata ngai tlat an awm a, hmasawn tum reng reng lo an awm a, thununna ngai thei miah lo pawh an awm lawi.

Zing, tlai leh zan lama hun hmanpuiin ka ho ve thin e ka tia, ka ho tih ai mahin ka hrilh zawk a ni mah awm e.An ngaihsak lem hlei lo a. Chu chu tleirawl mizia a ni. KS, Addict leh ngawl hrang hrang vei ka kawm tlangnel thin a. Chu chu ka hna a ni. Ka ning ngai lova, challenge atan ka hmang a, ka inzira, harsatna kan sukiang dun thin. An ni chu ka ning riau a, chhuanlam an ngah lutuk a, an hmel ka hmu chiang thei lo a ni. A theih dan leh a kawng a kuak dan en hmasa lova a theih loh dan hmu tlat zel an ni a. Chuti chung pawha insiamthatna tur atana ke pen ai chuan thiante (Peers) pawhin an ti bik lo tih tana tang an ni. An mizia hi an hun tawn leh an kumin a hrinchhuah a awm a, seilenna zir loh vang a ni bawk. Mi hur zilh ang mai a ngawhngawl chhuah an awm a, vainronghak ang maia rak chel thin pawh an awm a, nui vur vur reng pawh an awm a, hre riau, field chhunga hriatna hmang thiam miah si lo pawh an awm. Chuti ang mihring zawng zawng chu enkawl harsa ka ti lo a, an lawmna siam ve tura hun ka nei tawk lo leh inpek zual zel hi harsa ka ti zawk a ni.

Ka thil tum : Tleirawl leh College kal lai an ni a, Mihirng rilru leh an Thlarau nun buatsaih nana hmalak hi ka tum ber a ni a, Inhmuhkhawm reng rengin a bul tana tawngtaina leh a tawpa tawngtaina ka\n hman thin avanginThlarauah ka hlawk ta ber a ni awm e. Kan eizawnna leh kan thiltih apiangah hian thil pathum pawimawh tak tak a awm a,

1) Tuna tih leh thawh nghal hi a ni. (Starting immediately to achieved goals) Eng dinhmunah pawh ding ila, chuta tanga kal zel tur  leh hmasawn tur chuan nakin a awm thei lo a, tuna thawhnghal mawp mawp hi a ni. Ruahmanna tha a awm erawh chuan kori a tu hle.

2) Hmabak thawhzawh (finishing unfinish work):Kan tum ram kan thlen hma chuan kan thawk zel tur a ni, Chawl hmasa leh thawkzo lo apiang chu hmasawn an ni ngai lo ang a, rah tha a chhuah thei lo ang tih hi zirtir zel ka duh a ni.

3) A sawhkhawk hriat (Feed back) :Eng anga hlawhtling emaw hausa emaw, hmasawn pawh ni ila, mite min hmuh dan leh sawi dan, mahni lungawina neih dan hriat hi tihmakmawh a ni. Officer lian leh Mi ropui eltiang pawh ni ila, dik lo tak emaw mite ngaihsan hlawh theih miah lo khawpa pamham kan nih chuan hlutna a nei chuang lo. Mi ngaihhlut theihin kan awm em tih hriat tuma beng chhit reng a ngai a, ka lungawina tawkin ka thawk em tih ngaihtuah chunga hmalak hi ziritirna tluantling a ni.

Heng thiltum pathum nei tur hian a kawng kan dap a ngai a, chhuanlam awm miah lo tur khawpa kan tuang kan tihchhah (Be bold) hi a ngai a (Finding ways to solve and overcome obstacles). Paukhauhna rilru nena kan sut tlang phawt chuan kan hlawhtling em em ang tih ka ring a. Pawl ho anga thawhna kawngah lo hnufual leh chak lo, tling lo an lo awm a nih pawhin an chak lohna zawkah khaichhuakin, kan tung ding tur a ni. 

A tawpna leh a tawp dan hi ngaihpawimawh tur a ni : Kan bul tanna hi eng pawh nise, kan tawp dan hi a lungawi thlak tur a ni. Mi sual ber pawh a thih dawna Vanram lut thei khawpa khawngaihna a chang a nih chuan mi vannei a ni a. Chhe taka bul kan tan a nih pawhin tha taka a tawp kan khar a nih chuan a lungawithlak thei tho ang chu. Football khela exercise la reng, a khelh huna khel ngam tlat lo, tauhna leh ngawhngawlna nei tlat tan a tawp a khar that theih loh a. Lawmna reng a awm lo a ni.

Football hi mipa game tiin an sawi thin a, a ni reng bawk a. Rilru zau leh mi hiratthiamna nei lo tan chuan khelh ve a har ngawt mai. Hlawh kan inpe thei lo a, lawmman a awm hek lo. Chuti chung chuan aikhata kan luan za theih nan inhrual a ngai a ni. Kan Team kan vanduaina bikna em em chu Players 11 chiah an lut thei hi a ni. A lut lo an awm a ngai a, lut tur pawha inring tur an awm a ngai bawk, chuti ang mi chu kan awm si lo. Tha ve riaua inhre tan chuan thiam hle mahse Training leh insawizawia rual a pawl loh chuan a awl a ngai a. Thiam ve riaua inhria kha kan hriat dana induhsak bik ngawt thu a awm si lo.

As the Bible says : Luka 9.62-a Leilehna a kut nghat tawha hawikir leh chu Pathian mi ni tlak an ni lo ang hian, ka thawhpui tawh min kir leh san emaw, min phatsan emaw chu ka thiante an ni ngai lo a. Nangni pawhin phatsantu chu in ngai thei lo a nih kha.

Gibeona hnenah Pathianin thu a sawi a, Hlau leh khur mi 22000 atanga a hawtir khan mi 1000 chauh an awm a, chu pawh Pathianin hna a thawh theihna tur chuan ngaihdan a la tam a, selected few mi 300 chauh thlan chhuah an ni leh ta a ni. Lungrual taka ral an beih nan luiah inthlan chhuahna an nei a nih kha. Haw kir leh te, thlan ve lohte khan hmun pawimawh an chang ngai si lo a. Chepa thanga awk laklawh kan sawi ang maia thih thleng raka rinawm leh theih tawp chhuah hi ka mi ngaihsan zawng a ni a, Pathian laka mi rinawmte nun dan pawh a ni.

Vote of thanks : Kan VC te hian vanneih thlak takin Football man Rs 950 leh Entry fee Rs 500 min pe a, Rs 500 dang min pek erawh Hand gloves leh Spray lei nan kan hmang thung. Chu ai mah chuan ni 18 June, Ni 2 July 2015 khan Thuamluaia mualah min hruai a, haw lam pawh min ngaihtuahpui e. Tin, Pu R.Laltlansanga (TS Colney Store, Venglai Lunglei) chuan Rs 200 thingpui inna min pai a, kan lawm hle. Pu B.Lalhmangaiha ten thingpui in man bat min phalsak a, kan lawm a. Engtikah tak rul thei ang maw! Pi Ramdinpuii chuan a in phal takin inhmuhkhawmna leh riahkhawmna  atan hman min phalsak bawk a, lawm lohna chi a ni lo. Farmveng VCP Pu Rema'n Rs sing thum kan hmang ral tawh a tih kha ka awt lo a, Pawisa tam hlawhchhuak ve turin Players te an inpe zo lo a, an inbuatsaihna a chhe tlat a, phurpui chi an ni lo atin ni. (No Offence INtended -Mi tihnat tuman ziak a awm lo)

---

Rentin daih nun

July 5, 2015, 11:32 pm

≫ Next: Pa hlim thei ti ti

≪ Previous: Football Biahthu

$

0

0

Tinreng daih

Mizo \awng thiam tak chu ni ila ‘rentin daih’ ka ti ngei ang, Ka rilru luahtu pakhat chu tinreng daih tih hi a ni. Kohhran nawlpuiin kan mamawh tinreng daih pathum tarlan ka tum a. Tinreng damdawi, kawl damdawi kan tih \hin pawh kha a lo mak ta ngawt mai! Natna tlanglawn hrang hrangah kan dam phah ve nghal zel kha a nia. Kan rilru lama kan lo dawnsawn dan leh kan beisei dan hi thil pawimawh tak a ni si a. Kan nun hi Pathian rawngbawlnain a khat a, rawngbawl reng chung pawha kan rilru pek dan hi a pawimawh hle mai. Heng thil hmanraw pathum kan kawl lai hian rilru dik tak pu chungin a pawimawhna hre chhuak thin ila.

 

Bible :  Bible hi kristian nun innghahna lungphum a ni a, khawngaihna avanga chhhandam kan nih thu min hrilhna, Pathian anna kawnga min kawhhmuhtu a ni a, a duhzawng kan hriatna a ni bawk. Thlarau chaw kan ei theihna a ni a, khawvel thilah pawh finna a ni a, Bible literartue, a thu leh hla zawng zawng hi zir ila finna a ni. Piangthar lo tan pawh fin phahna tur a ni. Bible kawm nela, ngaina \hin chu an thu hi a fing ru tlat thin.

Ziak leh chhiar kawngah te, thu sawi kawngah te leh thu ziakah te hian Bible chhiar tam chu an hriat nghal mai a. Harsatna leh manganna, buaina an tawh te hlei hlei hian Bible chhiar tam chuan inhnemna tur an nei nghal thei a, thlammuanna mak tak mai an nunah a awm zung zung thin. Mi lungngai leh mangang, lawmte leh buaina tawk mekte \anpui turin an nun hi a inpeih a, zir sang leh lehkha thiam pawh ni lo mah sela Bible thu hmangin mite nun an chhawk thei fo. Thu ziak mite pawh hian an chhawr a, thu sawi mite hlei hlei hian \ang hman thiam kawngah an chhawr asin. Khawvela thusawi ropui ber berte hi Bible thiam leh hria an ni fo. Hruaitu tha leh ropui ni tura  min zirtirtu a ni a, hruaitu \ha chuan Bible a ngaina tur a ni ti ila, a dik awm e. 

Zai:  Mizo hnam nun leh zai hi lakhran a har ve ngawt ang, kan hnam chanchin chhui leh hriatna ber pawh hla leh zai hi a ni a. Kan inhnemna leh kan nunphung lantir a, kan luanliamna pawh zai hi a ni. Mizo hlim lawmna lan chianna ber pawh zai a tui em, zai a nuam em tih hi a ni fo. Kohhran darthlalang pawimawh tak pakhat chu zai hi a ni bawk. Tun angah chuan biakin leh khawhar in hi kan zaina hmun pawimawh tak a ni a, a la ni reng bawk ang. Zai ve ngai lo chu an chep a, hmun kilkhawr, pawn leh hnung lam an chuh \huai thin. Zai ngai lo mihring chu mi nelawm an ni mang lo. Mi a awm hmunah pawh a zai deuh reng chuan a thinrim lo a, a nelawm nghal mai \hin. Zai heti tak maia a pawimawh chhan chu nun hlimna min petu thuruk a ni. Zai zirna hmun kan neih te hi man chawia kal vek a theih loh a. Kan tlin lo a, mi zawng zawng tan a \ul vek hek lo.

Khawtlang leh kohhranin kan kalpui Zaipawl erawh chu man chawi a ngai lo a, awlsam taka zai zirna hmun a nih avangin a \angkai hle. Zai ngai lo an tam poh leh kohhran a chiri \hin. Zaipawl hi awlsam taka kohhran mi ze hriatna a ni a, Zaipawl dah pawimawh kohhran a ro thei lo an ti. Sum leh pai, rawngbawlna leh ngaihsak kawngah hian zaipawl dah pawimawh dan chu a hriat theih ang chu.

Thuziak :         Thuziak tam tak hmuh tur a awm tawh a, thu ziak rintlak leh belhchian dawl erawh a la vang hle a. Thuziak hlutna pakhat chu thu ziah dan a dik em? Chhiar a nuam em? Chhiartu a kaihhruai dan ah rinhlelhna aiin a zawmtu nih chakna a pe em tih hi a ni. Ziak mi kan tlem chhan chu lehkha chhiar thin kan tlem vang a ni thei. Kohhran hruaitu zingah ni tin chanchinbu chhiar ngai lo, kum khat chhunga lehkhabu pathum pawh chhiar ngai lo a awm theih khawp ang.(Beirual thuzirbu leh Sunday school zirlaibu chu an chhiar chhuak turah ngai ila) Chung mite chuan khawi lamah nge thu \ha an ziah ngawt ang. Lehkhabu chhiar tlem thuziak chu \awng\aia inbuatsaih lova thu \ha tak sawi ang vela thinlunga thawk lo a ni duh khawp mai.

Heng thil pathum te hi lehkhathiam emaw, hruaitu emaw, vantlangin emaw kan mamawh a ni a, heng kan chhiar a, kan ziak a, kan zai mek lai pawh hian rilru dik pu chunga kan hlenchhuah chuan kan \angkaipui hle dawn a ni. 

Pa hlim thei ti ti

July 5, 2015, 11:53 pm

≫ Next: Suicide

≪ Previous: Rentin daih nun

$

0

0

ZU HI CHIANG ZET ZAWTIN VAWI 3 KA DAM PUI TAWH

Pu Lalruma i hria em? Hre lo a nih pawhin ka dem lo che, a awmna hi kan vengah daih a nih avangin. Amah hi sa ngaina mi a ni a, sa talh kan tih \hin hi a ni thin. Kum 60 chuang khawvel hi a lo hlimpui tawh \hin a, lungngaihna lam erawh sawilan hi \ul a ti vak lo. Vawiin 3 July 2015 hian Auto Rickshaw-ah Darkar khat zen zawn kan chuang tlang a, biangbiak ngai lovin a kamchhuak ka ngaithla a, a pawlh mawi tawk turin Dr Hriatpuia’n a lo um e pah nen ka hlim kher mai.

 ‘Ka kal ve dawn em?’ tih pahin Riksaw-pu a lo zawt a, kal a tum sa reng a, kalna tur pawisa duh chu a chuang leng ve em tih a zawhna a lo ni a. Khawi lamah nge a kal dawn a, Engti tura kal tum nge a nih te a thuphungin kan inzawt luam a, zawhbelh vak ngai lovin kan lo ngaithla ta nghal khiau a, kan hlim teh asin.

‘Engtih zai nge i rel a, Bag nen meuh?’ tih zawhna chu heti hian min chhang ta a, Kan Congress sorkar hian Civil Pensioner-ah min siam a, sipai pension Pu Lianngaia te, Pu Khawpuimawia te thla thar Lunglei (3 Gate) kal zah zet hi thla tharah chuan kal a ngai ve ta a. Kum 1985 Bar hawn laia kan atchilh thil te pawh min ti hrechhuak alawm tiin a sawi a. Zu hi ka hmelma a ni lo a, ka \hian kawm zawk a ni tih thu erawh a sawifiah tam duh lo. Kum 1986 chhoa Pu Laldenga’n ‘Zu hi thil a ni’ tih a lo sawi; Pu Tuikhuahthanga lehkhabu a mi kha a chhiar ve emaw ni tehreng ni! Chemte pawh hi a hmangtu azir a ni, mi vihlum nan chuan thil \ha lo tak a ni tiin. Thlawhtheihna pawh hi kan naupan tet lai ata tawh ‘ka pu, ka lo chuang ve’ tia kan enliam vawng vawng, thil \ha leh \angkai tak, nunna chhanhimna atana Vellore damdawiin te hruai thei kha a ni a, World Trade Cebtre building \ha eltiang pawh kha Thlawhnaa sut nan chuan a \ha lo, Thlawhna kha thil hlauhawm tak a ni tiin.

          Bawng ka vulh laiin tui sovin ka inleih palh a, darkar hnih meuh Va’lawmi ka inleihtir a, a sa a nep chuang lo a, ka beidawngin zu fir, a \ial thleng ngat kan khiat pawpa, a dam ta huai huai a, Um khat zet chu ka in a, a tukah chuan a dam vek nia a ti. Ka zunthlum luhai pawh rui hnap khawpin ka inkhalh a, a dam hmak mai nia a tih chu maw le.. Khawibel bu tawn darh erawh a na chu a reh chiang thei lo a ti.

          Kum 40 chhung meizial zu khan, Kum 2005 May ni 31, World Tobacco No Day zanah Radio-a thusawi ka ngaithla fuh a, ngun taka ka ngaihtuah hnuin nghei hi ka tan a \ha a, tlawn li awm erawh ka la zu zo hram a, a atthlak ngawt mai a ti. Meizial zu ang hian zu in mite hi an la inthlahrung dawn a, zu sawi hian chutih hunah chuan kan iak iak peih lo ang a ti.

          An \henawmpa music zir, electric guitar khawih ring thei lutuk pawh kha heti hian a sawi a, “Ka mu thei lo, chau bawk si, luhai leh dam \ha lo deuh nen patling leh patling inhau thu a awm si lo a, ka tho lawka ka \awng\ai ta ngawt a, a zawih phah chuang hlei lo a” tiin a nui hawk hawk nia! Amah hi sa talh \hin, kan khuaah chuan sa ei nasa pawl a ni a, kum 10 chhung zet zunthlum natna a neih tak hnu pawh hian ka pumpui hi chu ‘uisa thlanmual’ a ni la ti ngat kha a ni a. Engkim hi kan duh loh bulah chuan awm lo mai ila a zia a ti. Zu a ni emaw, Vawksa a ni emaw hlat takin awm ila, meizial pawh kan zu chak lo mai’ a tih hi a dik fu mai. Dawkan khata vawksa sir deuha maian bai suah ngawt chuan a ei puar theih loh a, vawksa awm lova maian bai suah erawh chuan ka puar thei lawi si tiin ka meizu chu min hau a, ka chhang lo.

Suicide

July 7, 2015, 12:47 am

≫ Next: 30/2015 Durra Chawngthu's

≪ Previous: Pa hlim thei ti ti

$

0

0

Eng kan ti ta nge, Zoram hi ?

Mihring thihna tam ber zingah mahni inthah avanga thi hi 13 na a ni a¹ ngaihthah ngawt chi a ni ta lo. Mahni intihhlum (Suicide) hi kan zingah a lar chak hle a, Mihring nuai 11 chuang awrhah hian a langsar chak ta hle mai. Kum chanve kan kaia  percent chanve chu kan khum hnehsawh hle mai. Mi 60 a tling ti tih ta. A chhan awm theihna te, a ven dan leh a kaihhnawih sawi ka tum lo a. Mizo \halai, Internet User te zingah chah duh ka neih chu ka han tarlang mai dawn a ni.

1.Thu thar thehdarh kawngah :-

            Social network hrang hrang, heng Facebook, Twitter leh Whatsapp hmangtu hi Mizo \halai kan tam zual a, hengah te hian News hre hmasa emaw, mi hrilh chhawn hmasak chakin kan phu suau suau ni berin ka hria. Kan theh darh hian mite \hinlungah engmah a thawk lo a. Mi za zela 32% vel hian an hun kal tawhah eng emaw laiin mahni inthah duh hial rilru an lo pu tawh \hin a² Heng mite rilru na leh beidawnga an awm lai taka Mahni inthah, inawkhlum thu kan vawrh darh ta chiam hian pawisak lohna a thlen thei a ni. Suicidologist-te chuan Mi pakhat inawhhlum thawmah (Whatsapp leh Facebook, Chanchibu leh mi thusawi chhawn pawh nise) hian mi dang mi 20 rualin chuti ang tih ve duhna rilru an put phahin, pawisak lohna an neih phah \hin niin an sawi a³ Chuti ang a nih si chuan rilru beidawng leh beiseina reng nei lo te, rilru natna neite tan chuan a hlauhawm thei a ni. Thil \ha lo hriat tam chuan thil \ha lo a hring chhuak tam nge nge a. Chu vangin, thu thar vawrha kan vawrh darh pawh hian \ha lo lehzual a thlen phah thei a. I thehdarh chiam tawh lo ang u.

Kan ziak mite, kan Artist-te leh hlaphuah thiam, film siam \hinte pawh hian heti ang chungchang hi tihrik loh hram \hin nise, hmuh tur a awm loh chuan mi tam takah a thawk nep ang. Ziak mite pawhin a ngaihnawmna ngawt thlir lovin, a sawhkhawk lam ngaihtuah chungin tarlan loh hram i tum ang u. S.Korea hi mahni intihlum tamna ram a ni a, a chhan tam tak an sawi zingah Korean celebrity thihna hian nghawng nasa tak a nei a, an thih thute Media lama an puanzar nasat avangin chuti anga thi pawh an tam phah a ni. Tin, Internet hmang tam lutukte hi a chhan pakhat a ni tlat nia⁴  An serial film kan hmuh tam takah hian mahni inthah chungchang kan hmu tam em? Khawvela a sang ber pawl an nih chuan an society lang thei film-ah chuan tarlang ve awm tak an nih laiin, an tarlang khat khawp asin. Chhan a neih ka ring tlat a ni.

2. Huaisen taka hmachhawn tur :

           Harsatna hi hel laklawh chuan hel theih tak a ni a, kumkhuaa hel theih a ni. Chu chuan eng harsatna mah a sukiang lawi si lo. Chu vangin, fing tak chunga kan harsatna hi kan hmachhawn a, a sutkian dan tur chungchangah \anpuitu kan zawn thiam hi a ngai a ni. Mahni theih ve reng pawh chhungkua leh memberpuite \anpuina nghak tlat tan chuan beidawn a awl em em  a ni. Mahnia sutkian theih loh chin a ni emaw, mahnia sutkian chi a nih pawhin harsatna leh beidawnna hi hel lovin, hmachhawn mai tur a ni. Hmachhawn dan turah erawh uluk taka kan ngaihtuah hmasak a ngai a ni.

3. Khawtlang leh Kohhran, sorkar harh rawh se:

 Thihna hrang hrang leh Crime rate en hian kan khawtlang nun hi siam \hat a ngai a, a chhan zawn chhuah a ngai a ni. Sorkar programmee pakhatah sum eng zat nge sen a nih a, Fund/budget eng zat nge dah a nih \hin tih ngaihtuah chunga thihna thlen zat hi chhut ila. Entirna atan pakhat tarlang ila, a nihphung kan hriat awlsam nan. Malaria avanga thihna hi nikumah mi 31 a ni a⁵, Damlo enkawl zat chu mi 3,30,882 niin⁶, sum tam tak dah a, hmanral a ni a.  Nikumah mi 100 vel bawr mahni intihlum an awm a, kumin kum chanve-ah chuan50 kan chuang ta nghal pang mai! ! Hemi atan hian sum eng zat nge dah a nih ang le ka ti \hin. Mizoram mihring nuai 11 chuangah hian 32% vel chuan eng emaw laiin mahni inthah duhna rilru hial lo pu ve ta-ah ngai ila, enkawl ngai chu an tam fu lo ang maw tiin a chhuidawn theih awm e.

           Kan sorkar leh Policy planner te hian heti lam hawi zawnga hmalakna hi ngai pawimawhin thawktu leh an hlawh chungchangah ngaihsak sela, sorkar hnathawk dang ang hian ngaihsaka, pawimawhna pek an thiam pawh hi a ngai hle. Thawktu an tlem a,  an tlem chhan chu hlawh tlem leh ngaihhlut loh vang pawh a ni thei a ni.

4. Chhungkua I harh ang u :

           Kan chhungkaw inenkawl dan hi inenfiah ang u. Engkim thawhsak a, tihsak a, pek vek kan tum avang hian fate tan chona hmachhawn tur a awm lo. Keh thei dawma indawm chuan dawm theih loh hunah a keh mai \hin a, peka hrai puar an nih chuan pek loh hunah an riltam mai \hin a. Choka leh huana eitur awm pawh ei theih a nih loh chuan Nahaia’n ‘Chhura chu nise’ tih rilru a neih ang chiah kha an pu zo ta. ‘Ti suh, I chau ang a, I inhliam ang’ kan tih hian fate laktlak lohna leh mi chunga innghahna rilru a puttir a, thawk sela, ti ve chin rawh se, chu chuan mahni inrintawkna leh hlutna a pe ang a. Chona leh buaina hmachhawn dan a thiamtir thei ang. 'Ramah kal suh, Leng suh, Infiam suh' Suh hlira kan enkawl avang leh an aiawha nu leh pa ten kan thawhsak zel avang hian inhliam theih a ni tih te, hlawhchham theih a ni tih te leh beidawn theih a ni tih te hi an hre thiam pha ta lo. Thawkin ti ve rawh se, enzui a, enpui erawh an ngai thung. An no nghual a, rilru let butin hun an hmang a, chu chuan huaisenna a pe thei lo a ni.

5. Chhungkua leh khawtlang dintharna :

           Mizoram khaw tin leh veng tinah pawl a ding a, pawl member leh member kan inpel suau suau a, tu mah ngaihsak hman lovin mahni buaiin kan buai a ni. NGO leh Kohhran etc programmee a tam lutuk a, Party leh chhiatni thatni lenvahna tur kan inseam chawpa chhungkua leh thenawm ngaihsak hman reng kan awm ta lo. Programmee tihtlem a ngai a ni. Chhung inkhawm leh Pathian thu sawia ti ti \hin chhungkua ai chuan Khawvel hausakna (Material) thil hi chhungkaw pa, nu berin a tuipui tlat a nih chuan fate enkawl lamah a pa chhe ngei ang le.

           Tlai lua a awm lova, bul \ana siam \ha nghal thei lo mah ila, bul kan \an phawt chuan kan rilru a inbuatsaih ang a, kan inngaihsak ang a, an hma lam hun atana chhiat phahna khawpa inngaihtuah lutuk erawh kan bansan tawh dawn si a.

THULAKNA:

¹ Gilbert Renthlei, AIR Lungleia ‘Mahni intihhlum’ a thusawi manuscript

² Rev Lianchhunga Khiangte, Tunlai khawvel leh  Kristian nun, Page – 53

³ Ibid.page-53

⁴ https://en.wikipedia.org/wiki/Suicide_in_South_Korea#Notable_cases

⁵https://health.mizoram.gov.in/programmes/malaria

⁶http://www.business-standard.com/article/pti-stories/31-malaria-deaths-reported-in-mizoram-115040900800_1.html 

Note : Facebookah Suicide a update tawite ka hmu a, a thuziak chu ka dil a, ka thianpa ka private message-a, ngaihdan ka lo neihsa nen chawpchilh takin kan update ve leh ngawt a, Internet lama mi pawh ka la chhawng nual e. Minute 35 vel hun ka hmang bawk. Tihsual leh mi pawisawi a awm a nih chuan huaisen takin ka hmachhawn ngam mai ang e...hehee

30/2015 Durra Chawngthu's

July 16, 2015, 2:35 am

≫ Next: 31/2015 National Seminar

≪ Previous: Suicide

$

0

0

TLEITIRAH TLEITIRI

            “Engineering zir chu Mizo uisa ei thluakin a tlin ve lo ve” 

tiin kum 1927 vel khan sawi mah sela,  (a thusawi a dik lohzia kan hre tawh a, B.E tam tak an chhuak tawh a nih hi) Tleitir hmel\hatna leh duhawmna hre tur erawh zawngin a tlin khawp mai. Tleirawl duhawmna leh ngainatna, vanglai hun in\anna a nih avangin Tleirawlte hi an mawi hle reng a ni. He hlaphuahtu pawh hian Tleitir zawng zawng zinga Tleitiri bak a ngaihtuah thei lo tih chu Annie Laurie hla ‘Maxwelton’s braes are bonnie’  hla a ngaihthak a\angin a lang chiang hle awm e. Kan rilrua kan vei leh ngaihtuah zawngte hi theihnghilh emaw ti \hin mah ila, eng emaw avangin engtin emaw a lo lang chhuak leh \hin.

            He hla lo pianchhuah dan chu eng pawh nise, a hla rua leh a chhawpchhuah dan hi a ni kan sawi tum chu ni. Thawnthu emaw, Hla emaw phuah a nih hian rilrua suangtuahna, awm lo ata awmtir tur pawh nise, behchhan tur thil eng emaw a awm \hin a. Lo hmuh leh hriat tawh, tawn tawh hi a \angkai thei hle a. Hla thu a hman te pawh hian kan mizo khawtlang, khawtual nun a hril hle  ani.

Kan intawhna lam kawiah,

Lungrualna dai kawnah;

Enchim loh Thadangi zun,

Aw, thinlaia’n a cham.

Tleitirah Tleitiri,

Zalengah Lengdawni;

Kei ka tan lungrun Ngaihzuali,

Run lum thaiah ka ti.

            Tleirawl chhuak tawh zawng zawng te zinga a Tleitiri ngei mai a hmuhna kawngkawi mai mai pawh hrechhuak thei tur khawpa a zun a cham avangin a hmel\ha a nih loh pawhin, a duh fuh hle a ni tih ring ta ila. Nula piang tawh zawng zawng zinga a ngaih ber he Tleitiri hi nupui atana neih a, inneih kawrvar haktir a, fate thawhlawm semtu atana a duhzia a sawina hla a ni bawk ang chu.

A heh lah chul zozam iang,

A \awn sam tha sei hniang;

A sakhmelah iang zo awm lo?

A \angnem vur ang var.

Chimloh tha bung dawntuai,

I zunah val ka uai;

Relthang dawn lo nemrang puan maw,

Nemrang puan min zawn rawh .

            Nula hmel\ha kan teh dawn hian tehfung awm kher lo mah suh se mipa rilrua lang nghal chu hmeichhe hmelah chuan vun ngo, hmui leh sam te hi lungthu tluka pawimawh a ni a.  He tleitiri  hmui, a heh vam ham mai, zamzo par ianga sen tak, lar vur ni si lo chu a mawi hle tur a ni. Chu tleitiri  aia hmel\ha awm lo tur samsei leh nghal chu a mawi khawp ang le! Mizo mipa duhthusam ang ngeia a ngo var haih tur, tleirawl vun mar \hat lai lehnghal chuan lang lo laia a hang bik zawn a chak awm rum rum thei ang chu. Chu ngei hisap chung chuan a ni pawisak nei miah lo, siamtu Pathian pawh theihnghilh \hak khawpa ‘Nemrang puan min zawn rawh’ a tih chhana ka rin chu ni. Tun anga Tleirawlte zawngin ‘Pata’ na tura chhinchhiahna siam emaw, ‘Zawlpuan phah’ emaw  ‘Enagement ring -zungbun’ emaw ai chuan sawnpai thlang, thlan dun ta mai an awm ta.

A zun a zamin a cham,

Thinlai lung lai a kham;

Hraitin chawiah hual ang che,

Hual rawh Khuanu ka tan.

Annem tha Thanghniangi,

Tawh chang ni her leh rawh;

Biahthu hrui ang thlun zai rel i,

Khua tlai i dawn lo em ni ?

            He Tleitiri hi a zun; a ngaihawmna leh a duhawmna chuan a fan hneh hle a, a thiltih leh a lehkha zirna, a khawi ilo kal chhuahna a ni emaw, a \hut hmun ngaihtuahna a ni emaw, engtik laipawhin a ngaihtuah a, awm nuam lo khawpin a ngai a ni ngei ang. Tun ang chu nise ‘khumbetin a ngai zawng’ tih tur ang vela nileng leh zan khua, 24X7 vela rim tluk tluk kan tih ang khawpin a duh fuh ve hle ang le! Chuti khawpa duhin, fate tana thawhlawm semtu atan awt ngawih ngawih \hin  mah sela,  a theihna piah lam a nih avangin Pathian hnenah a ngen hial a ni. He laia Khuanu a hmang hi fuhna tam tak a awm a, Lenglawng/Lengzemah Pathian tih aia Khuanu a hmang hi chu a fuh thlawt a ni.

            Kawngkawia intawk mai kha, ngaihzawng cheia chei ngawt chi a ni loh tih i theih nghilh ang e.  He Tleitiri hi hmuh leh chakin, a fal te-a hun hman theih chu nise inhmangaihna te, rinawmna thu tiam te leh ‘se se thu di’ hlan pawh a duh ngei a ni. Mizo zinga Engineer zir hmasa ber chu naupang chhe zawk zawk a ni lo turah ngai ila, khang hun lai khan Mizo nula leh tlangval te hian nupui pasal an nei hma em em a, chu chuan pressure a pe ve turah ngai ila, Phairam hla taka lehkhazir ve meuhin  kawng kawia nula la naupang tak zuna uai ngawt a duh khawp lohna nge? Ani val senior lam tawh tana Tleirawl nghah veng veng chu a khawtlai thlak tawh i ti lo em ni? Kawng kawia hmeichhe tawh ve mai zuna uaia awm ngawt ai chuan inngaihzawn thuai thuai loh chuan mi dang ka Bemna khua a tlai ang a, ka Single rei lutuk ang tih a zawhna tum ni ang tih ngaihtuah la. Mizo \awng, Mizo hla hi hnualsuat ngawt zel suh ang che.

            Pu Durra Chawngthu hi Mizoram chhim lam Baichi-ah Ni 3.7.1890-ah piang a, ni 25.5.1988  zan dar 4:30 khan a chenna, Lunglei Rahsivengah a boral a ni. Amah hi Mizote zinga I.Sc (intermediate Science) pass hmasa ber a ni a, kum 1925-ah pass-in Bengal Engineering College, Shibpur-ah  Bachelor of Civil Engineering a zir nghal a, kum hnih hnu-ah a chawlhsan a ni.  Tleitirah Tleitiri tih hla hi Shibpur College-a kum 1926-a  a phuah niin, kan sawi tak Annie Laurie hla thluk “Maxwelton’s braes are bonnie” hla atanga a thluk hi siam niin an sawi bawk.

31/2015 National Seminar

July 20, 2015, 1:08 am

≫ Next: 32/2015 She said, 'It kills'

≪ Previous: 30/2015 Durra Chawngthu's

$

0

0

I was just receiving Certificate of Participation in the National Seminar entitled  'Media and Maginalised' which was held on 25-26 June 2015 at the Administration Conference Hall, Mizoram University, Aizawl. This certificate proved that i was presenting "Mass Media Exposure among Tribal student youths in Mizoram" 

Ten years back, when i was doing my master programme in Social Work, i prefer to do research project (Dissertation) of  'Mass Media Exposure among the Mizo youths'. I was very gladful to my research guide Sir Deva (Asst Prof. Dr. Devinderan, Dept of Social Work). Now and the then, he never scolded me but encourage all the time, till now. Thank you once again, Sir Deva for your enthusiastic support and warmth guide since the begining. 

I have simply learnt from you the manner, behaviour of Christian Social Worker; and i saw in you various roles and duties you had performed as a Teacher's. Looking back those snaps and photos, i was clearly saw and imagined your face of urging students to be serious. 

May the Almighty God bless and Shine on you. Please rise for the Tribal Mizos and contribute your ideas more and more till you'd achieved your goals.